不論男女總有自己嘅秘密，即使係有親密關係嘅伴侶，有啲嘢情願收埋喺內心深處，都唔想同對方分享，相信大家會十分認同。不過有啲秘密卻可以大方同人分享，講緊嘅係同Secret有關嘅情色俚語同成人作品，咁精彩嘅嘢試問又點可以唔同大家「些牙」呢？
有啲疾病真係唔敢話畀人知，而其中一樣就係性病。喺美國俚語中嘅「Secret Disease」，係指一種令人聞之色變嘅性病，就係梅毒。梅毒嘅英文係「Syphilis」，即係我哋俗稱嘅「花柳」。關於佢嘅起源一直有所爭議，而普遍嚟講分為「哥倫布假說」同「前哥倫布假說」兩種。前者認為梅毒係哥倫布遠航船員從美洲帶到歐洲，而後者則認為歐洲本來就存在梅毒，只係一直未被人發現。至於梅毒喺中國文獻中嘅最早記錄始於約1505年，經印度傳入廣東嶺南一帶，因此當時將梅毒稱為「廣東瘡」或「楊梅瘡」。
英文情色俚語「Secret Indulgence」，中文直譯做秘密放縱，其實佢所指嘅放縱玩意，只係自娛而已。呢個俚語可以用喺男士或士身上，但如果想委婉啲形容男性自娛嘅話，仲有另一個英文俚語選擇，就係相當形象化嘅「Secret Handshake」，之所以話佢形象化，皆因當中嘅「Handshake」有握手嘅意思，而呢個動作正好同自娛嘅動作相似。
喺19世紀嘅歐洲，自娛被視為不道德行為，必須禁制，當時有位叫Stephenson嘅人發明咗一個名為「Spermatic Truss」嘅男性禁止自娛器，以中古世紀女性貞操帶為藍本設計，可以緊緊地套住兵器，唔畀佢有任何反應。20年後推出改良型，喺套上加上尖釘，令男士兵器稍為硬直便會感到痛楚。為咗唔畀男士自娛，真係無所不用其極呀！
辦公室同OL落喺美國四仔片廠嘅話，唔一定拍出勁淫亂嘅辦公室四仔作品，亦可以拍出浪漫之作。唔信嘅話可以睇吓美國四仔名廠Wicked Pictures喺2013年2月推出嘅《Secret Admirer》，就知道乜嘢叫做浪漫四仔。呢套喺2014年AVN頒獎禮中獲得最佳浪漫作品提名嘅作品，由Jonathan Morgan執導，並由人氣脫星Samantha Saint擔任女主角，同時搵嚟Alektra Blue、Ash Hollywood、Diana Prince等眾多火辣女星聯合演出，單係囡囡陣容就已經令人流晒口水！
故事講述由Samantha飾演嘅美艷辦公室女郎Cindy Smith，有日收到四份由四個暗戀者所送嘅禮物，老友兼同事Corina決定同佢聯手搵出四位暗戀者嘅真身。雖然Cindy一心希望過住平凡嘅辦公室生活，但喺推測四人真身嘅過程中，各種色情幻想卻令佢感到興奮無比，更幻想同暗戀者進行唔同嘅辦公室性愛。究竟暗戀者係經常欺負佢嘅男同事Rex、型男Sales Daniel、光頭Boss John，定係變態男會計Kent呢？雖然結局出人意表，但係各種火辣性幻想已令Cindy慾望高漲。
日本AV有唔少經典系列，對於鍾意凌辱題材嘅AV迷，當然唔會忘記《秘密女搜查官》系列。日本AV有唔少以搜查官為題材嘅作品，點解呢個由AV廠IdeaPocket推出嘅《秘密女搜查官》系列會特別受AV迷歡迎呢？咁就要從2011年10月推出系列頭炮作，由AV女優木下柚花演出嘅《秘密女搜查官～被囚禁恥辱與凌辱淫謀～》開始講起，內容其實同其他搜查官題材嘅劇情差唔多，不外乎係女搜查官喺任務中被壞人捉住，受到百般凌辱兼搞到高潮迭起。不過呢個系列卻有啲特別，皆因導演沢庵相當着重攝影角度，打戲勁有電影感，觀賞性相當高，加上起用人氣AV女優演出，除咗由木下柚花演出頭炮作外，之後搵嚟Rio、霞果穗、希崎Jessica、初音實、羽田愛等做女主角，呢個陣容夠晒叫座力，難怪呢個系列一直都咁受歡迎。直至2014年9月推出第23集後便宣告系列結束，令AV迷深感可惜！
撰文：魂