一睇到書名叫「Submission」，即係服從，大概都知道係重口味嘢啦！如果想要刺激嘢調劑吓生活，就不妨睇呢本《Brianna's Summer of Submission》情色小說喇！故事內容講述生活平淡嘅Brianna，受好姊妹Stephanie之邀去咗個美麗小荒島度假，島上有間小屋，成班人就喺嗰度享受陽光與海灘。咁鹹古當然唔會講佢哋游水玩沙灘波咁無聊啦，當中有男士提出玩統治遊戲，輸咗嗰個就要完全服從另一方，以Stephanie哥哥Cameron為首嘅型男，將男女分開，最後男方勝出，島上所有囡囡都要聽教聽話，女方滿以為只係遊戲，極其量都係洗衫煮飯做阿四，點知輕輕鬆鬆過咗幾日後，班男人就開始現形，Cameron早就想嗒純情又齊架生嘅Brianna，一晚趁其他男女都飲醉晒，佢就變身鹹濕教官指令Brianna入房調教一番，究竟阿妹會點招架呢？