性愛專家認為如果性生活陷入低潮期嘅話，就要諗一啲新意思，重燃男女雙方嘅慾火。不過任何新意思幾刺激都好，亦要得到對方答應至得，否則夾硬嚟，反而會有反效果。有位女網民喺網上呻，話佢老公唔知黐咗邊條線，竟然叫佢喺窗台度啪啪啪，喺窗台唔係問題，最離譜係打開晒窗簾，話咁樣好刺激喎。女網民扯火話：「我見佢打開窗簾咪即刻捉住佢隻手囉，畀人睇到你話幾羞家！個衰佬猛咁話唔怕，因為間房熄咗燈，外面係睇唔到入面。我睬佢都傻，你又未試過喺窗外面望入嚟，點知睇唔到呀？佢跟住就拉開少少窗簾，話一人讓一步。我梗唔理佢，即刻上床瞓覺！真係唔知男人個腦諗乜囉？係咪個個男人都鍾意咁玩呢？」
牛油黃：你老公又真係幾百厭喎，啪啪啪緊都要拉開窗簾。反正你老公想要新鮮同刺激感，建議你下次可以試吓反綁住佢對手嚟玩，咪唔會畀佢有機會出蠱惑囉！
AnaEmmm：你丈夫好變態！我前男友跟你丈夫一樣，都有這種癖好，不過我前度更加變態，就係想跟我在露台做，我當然唔答應啦！隨時會惹官非o架！
尖沙咀SUE：你老公最衰係事前冇同你溝通，不過睇你咁講，就算佢問咗你都唔會答應佢，因為呢種玩意係挑戰緊你嘅底線。其實你要同佢講清楚，呢種玩法絕對No Way，如果佢仲係咁，就罰佢3個月冇得啪啪啪。
鋼鐵預備組：又唔係個個男人都係咁嘅，我就唔鍾意咁做，唔單止唔想畀人睇到，更唔想畀人聽到，所以我女友每次叫得大聲啲，都會掩住佢個口，等佢叫唔到出嚟。
撰文：魂