近期日本AV女優又再興起進軍樂壇嘅念頭，唔少女優紛紛結成組合登場，好似橋本有菜同桐谷茉莉及君色華奈組成「un panopticon girl」，至於最強癡女蓮實Kurea就同羽田愛等女優組成5人女優組合「AIVY」。不過，由於兩隊都係新組合，表現夠唔夠悅目就要留待日後再判斷喇！所以數到最惹人關注嘅女優組合，始終非「惠比壽麝香葡萄」莫屬，最近佢哋有一個重要消息宣布，就係已經決定咗第5代隊長嘅人選喇！麝香葡萄成員多數都係AV女優，歷代有好多天后級女優坐鎮，所以做隊長都要有番咁上下地位，蒼井空、麻美由真、希志愛奈以及明日花綺羅等先後成為隊長，而自從明日花綺羅掛住搞自己嘅服裝品牌而脫離團體之後，隊長一職持續縣空，直至早前公開演出，終於公布第5代隊長嘅人選，佢就係SOD專屬女優市川雅美喇！好多人都覺得係爆冷，因為現時團體當中仲有好多頂班女優，好似彩美旬果、天使萌等，兩位都係知名度高且出道日子長。然而，有消息話雅美出道以來一直都好努力爭取人氣以及展現個人魅力，喺團體中人緣又好，更重要嘅係雅美曾經做過SOD宣傳部，對於做好宣傳工作以及管理團體素有經驗，有佢帶領麝香葡萄絕對可以勝任，咁講又真係好有道理！希望雅美可以好好帶領麝香葡萄發圍，唔好令大家失望喇！