絕對領域全面睇

早前有日本網民上載一張新幹線N700系列嘅宣傳海報,竟然引爆邪念,究竟係點解呢?另外,最近日本推出一個以「絕對領域」為題材嘅VR作品,絕對能夠滿足男士們嘅眼球。美國有科研團隊發現以微量電極電擊女性嘅腳眼可喚起高潮,係咪堅有效呢?

挑戰大家邪念

大部分男人喺女人面前都唔會承認自己鹹濕,咁想知道對方係咪一個充滿邪念嘅鹹濕鬼,不妨叫佢睇吓呢張相,如果佢話見到似男根嘅話,咁就唔使問阿貴,肯定滿腦子充滿鹹濕思想。不過,男士們又唔使因此而感到尷尬,皆因好多人都睇到似男根!話說早前日本有位叫做「Jisaker_Skyrim」嘅網民喺Twitter分享咗一張圖片,然後加咗句:「睇嚟我內心好骯髒(滴汗)!」究竟乜嘢圖片令佢有感而發呢?而其他網民見到呢張圖片後,都深感邪念極高,跟住有網民上載咗一張原圖,原來所謂男根,其實係日本新幹線N700系列嘅宣傳海報,仔細啲睇嘅話,會發現藍色車窗同黑色窗框嘅顏色被人改動過變成橙肉色,因此出現貌似男根嘅畫面。雖然真相大白,但係卻因此引嚟更多網民嘅第三次創作,有網民特意喺圖上加入精細嘅部位說明,亦有網民喺圖上加上日本十八禁漫畫嘅粗線遮擋,甚至有網民索性喺上面打格仔,令邪念再次提升。有網民稱睇完大家嘅第三次創作後,就話思想已經受到污染,見到真實嘅新幹線列車的車頭時,總會令佢哋有所聯想!

滿足嘢心理

隨住虛擬實境(VR)嘅普及,家陣隨時都可以體驗到置身其中嘅視覺效果,而VR AV更係長出長有。如果唔想一嚟就睇愛情動作片,呢套由Crystal VR公司推出嘅《及膝裙×大腿×膝蓋 絕對領域VR》,相信係一個既有趣又過癮嘅選擇。所謂「絕對領域」係指短裙同及膝襪之間,大髀露出嚟嘅地帶,對日本宅男嚟講呢個地帶有無比嘅吸引力。雖然有唔少寫真集以呢個領域為題材,但運用到VR技術卻極為少見。

呢部片長41分鐘嘅作品內容其實好簡單,觀眾以第一身嘅角度任意去睇女,而囡囡會擺出唔同甫士,一邊同你傾偈,一邊有意無意咁展露絕對領域嘅魅力。如此香艷嘅畫面當然唔少得火辣嘅囡囡演出,呢次搵嚟四位青春可人嘅AV女優上陣,分別係樞木葵、持田栞里、阿部乃美久及星奈愛。日本網民表示樞木葵同持田栞里最具睇頭,前者可愛又青春,堪稱現今最上鏡嘅AV女優之一,後者則係新一代蘿莉巨乳AV女優嘅代表人物。不過有人認為呢部VR係就係充分滿足到男人(目及)嘢嘅心理,但係講到互動性就差啲,事關觀眾只能被動地睇女優嘅動作,如果可以加入互動功能,感覺會更加正。

電腳眼重獲高潮

點樣可以令女伴獲得無比性高潮,係唔少男士所關心嘅問題,雖然坊間有好多性學專家都提出唔少建議,但講到最騎呢,莫過於呢個由美國密歇根大學一個科學研究團隊所提出嘅方法,就係以微量電極電擊女士嘅腳眼!不過男士們唔好咁心急電擊女友,皆因呢個研究係針對女性性功能障礙嘅解決方法,換言之男士咪亂咁嚟。據研究團隊表示,隨住年齡增長,有多達5成女性出現性功能障礙,患者會出現性慾減少、性反應下降同持續疼痛等問題。為此佢哋搵嚟9名出現性功能障礙嘅女性進行研究,分別喺佢哋嘅腳眼同生殖器官附近,每周進行12次微量電極、每次30分鐘嘅電擊實驗。結果發現喺9名女性中有8人稱佢哋喺動情時產生更多愛液,同時獲得強烈嘅高潮。領導呢個研究團隊嘅Tim Bruns博士指,如果喺臨床研究中,有超過半數實驗者嘅症狀得到改善嘅話,可以被視為係一個成功嘅實驗。團隊科學家認為之所以有咁顯著嘅效果,係因為電極透過脛神經向脊髓傳導,然後向盆腔器官傳播從而產生喚起性功能嘅作用。

撰文:魂