男人鍾意大胸，但唔係大就得嘅，體積大之餘，仲需要外形、質感、色澤互相配合，而喺日本寫真界就有好多頂級美巨乳，例如寫真女王熊田曜子嘅「最強巨乳」、佐山彩香嘅「No.1 巨乳」，至於近期人氣高企嘅寫真小天后菜乃花都唔弱，因為佢有「最黃金比例巨乳」！
小弟欣賞咗日本寫真女優多年，自當年索到爆晒燈嘅宮澤理惠開始睇，之後就集中注意力睇巨乳寫真妹，由優香、小池榮子、松金洋子，到近年留意今野杏南、原幹惠、熊田曜子，睇住佢哋一代一代咁賣弄色情又再封胸，真係唔認老都唔得。不過，每個行業好似人體咁有新陳代謝，佢哋封胸喇，咪睇過第二個囉！你慌會冇波睇咩！近期值得留意嘅巨乳妹非筧美和子、久松郁實、天木純莫屬，今日同大家見面嘅菜乃花同樣魅力驚人！
菜乃花雖然已經29歲，但係好似食咗防腐劑一樣，保持到一副精靈可愛且不失純潔天真嘅氣息，確係要佩服日本妹嘅天生麗質。菜乃花有童顏亦有巨乳，一對36吋I Cup巨乳彈力十足又夠堅挺，而且肌膚鮮嫩緊緻，最近喺寫真界鋒芒畢露，更獲得雜誌稱之為「近十年來最黃金比例巨乳」添！菜乃花上圍激凸，配合5呎4吋高以及纖腰同上翹嘅玉臀，呢副胴體簡直係強絕日本寫真界！
菜乃花出生於廣島，長大之後決定去東京過獨立生活，起初喺下北澤一間咖啡店做女侍應，不過阿妹唔係咁鍾意呢份工，喺因緣際會之下，由朋友介紹佢同藝能事務所中人認識，繼而被發掘去做寫真女優，否則我哋就冇眼福喇！其實菜乃花做寫真妹之前已經相當仰慕人氣寫真女優吉木梨沙，有機會可以跟隨偶像嘅腳步加入寫真界正係其心願，梗係答應事務所嘅邀請啦！無獨有偶，吉木梨沙美貌如花，被評為面孔符合絕色美人嘅黃金比例，而菜乃花則有「最黃金比例巨乳」，世事真係巧合喇。提到吉木梨沙，佢有一段日子靠做惡女上位，至於菜乃花就以親切親民見稱。
鄉下為廣島嘅菜乃花一直都係日本職業棒球隊廣島東洋鯉魚嘅超級忠實粉絲，從其社交網中經常發現阿妹發表有關球隊嘅消息，最特別嘅地方係每次球隊獲勝之後就會上載大露事業線嘅「勝利寫真」，吸引到好多球迷留意，隨住球隊愈打愈好，菜乃花嘅人氣同樣愈來愈高，更被視為球隊嘅勝利女神！
簡介：菜乃花經常將寫真拍攝花絮上載到社交網，特別喺愛隊廣島東洋鯉魚打勝仗之後，仲會特別加推性感寫真，保證大飽眼福。
網址：https://twitter.com/nnk_77
年齡：29歲
身高：5呎4吋
三圍：36I-24-35
撰文：賢