家陣唔少網紅都人氣高企，而且吸金能力強，收入豐厚，難怪吸引好多男男女女都紛紛投身呢個行列，當中就有一位日本網紅吸引力非凡，佢就係紺野栞喇！
現時有好多人經營自己嘅社交網及視頻，希望可以成為網絡紅人繼而吸金，當中包括好多日本寫真女郎，點解呢？從前寫真妹想學似小池榮子、綾瀨遙咁成功殺入藝能界，但係要名成利就一啲都唔容易，因為要得業界賞識又要得到觀眾支持，寫真妹要具備好多條件，仲要花時間及心機同業界人士打好關係，所以成功例子並不多見。不過家陣就唔同喇，因為大家可以透過互聯網宣傳自己以及吸納人氣同吸金，姊系美人兒紺野栞近年就喺呢方面發展得唔錯喇！
紺野栞今年23歲，氣質帶有一點點成熟，不過呢種姊系風韻又相當親切討好，每個笑容都予人窩心嘅感覺。身材方面，阿妹肉感十足，渾身上下都相當豐滿，豐乳肥臀夠晒分量，尤其係胸前對H奶飽滿又堅挺，真係引死人！
紺野栞喺2015年加入寫真界搵食，原來當時阿妹去藝能事務所係應徵做女演員，一圓自己嘅心願，不過事務所見到佢個胸咁大，拍水着寫真相信更有前途，而栞妹亦聽取意見而成為寫真女郎，將姊系氣息以及豐滿身材展露畀大家欣賞，並成功惹人注目，喺一年之內推出3部寫真映像作品，可以反映出栞妹相當有叫座力。
所謂時也命也，紺野栞踏足電視台同大銀幕嘅機會少之又少，惟有靠演出舞台劇及舉辦攝影會維持收入。不過栞妹係叻女一名，喺不斷尋找演出機會嘅同時開始經營個人視頻，上年年尾仲夥拍小島美優及宇佐瑪莉亞開設YouTube頻道《あんらぶ氣分》，一起談笑風生同玩遊戲帶歡樂畀大家，當然栞妹唔會浪費誘人嘅天賦本錢啦，不時玩波搞笑，例如用體重磅磅吓對H奶有幾重，又表演乳溝藏物等，讓觀眾大飽眼福兼笑到肚痛。
簡介：紺野栞近期忙於拍視頻片之餘，亦不停出席攝影會搵真銀，想知佢最近又拍過咩片以及去邊度做模特兒畀龍友影相，可以Click上佢嘅社交網留意喇。
網址：https://twitter.com/shiooo1023
年齡：23歲
身高：5呎3吋
三圍：36H-25-36
撰文：賢