雖然AV話畀大家知，性愛體位千變萬化，但係有調查指出其實男女玩嚟玩去不外乎傳教士式、騎乘同推車仔呢三種體位。既然呢三種招式咁普遍，理論上應該唔會拒絕，而呢位男網民嘅女友卻例外。據男網民稱同女友每次行埋時，都只係用得一招傳教士式，有幾次佢試吓玩推車仔，點知女友唔制，甚至發脾氣。佢話：「我有問佢點解唔肯玩，佢每次嘅理由都唔同，有時話呢個動作好肉酸，有時又話趴喺度嘅動作好辛苦抖唔到氣，又試過話身材唔夠好，驚會影響我嘅觀感喎！其實我唔明佢因乜嘢事唔願玩呢？大家知唔知呀！我真係好想玩推車仔呀！」
網友回應：
米高咪Go：笑到標眼水！你係咪喺度搞笑？其實我覺得你條女係因為你個人太過變態，同你行埋已經畀面你。你都係珍惜機會，有得啪啪啪就好啪啪啪啦！
BenChiman：我覺得你女友所講嘅都係理由，而歸根究柢應該係出自你身上，會唔會你喺轉換動作嘅過程中，語氣或態度唔係咁好呢？唔好意思，邊大笑邊寫留言，哈。
關我件事：我好想知你女友點解覺得身材唔好，唔通佢畀人話過？呢種心理問題還須心藥醫，你試吓多啲讚佢靚，等佢心情平復後再試過啦！
去旅行：體位呢樣嘢真係要互相配合，同埋都唔係只得推車仔一種招式啫，可以試吓其他玩法。無錯，你係好想玩推車仔，但會唔會對方想玩騎牛牛呢？你有冇問過佢先？
撰文：魂