「如何成為四仔男優？」係全球老生常談嘅話題，每個年代都總有男人問！當然今日多得免費色情短片網站，只要你夠膽，人人都可以係網絡男優。但此男優不同彼男優，細佬講嘅係無論何時何地、無時無刻、話嚟就嚟嘅全職男優呀！以前嘅男優會答你，做男優最基本條件要有長度同夠硬淨，再加上夠鹹濕就得，但呢啲答案實在太虛，反而今日美國有型男優Ryan Driller就畀到一個非常客觀嘅答案：做男優等同國家級運動員！
咁全球咪好多男人符合做男優嘅條件囉？理論上係，實際上係要有番咁上下尺寸、身形、體能同鹹濕。據Ryan Driller解釋，以運動員嚟作比喻，係等大家容易啲理解，因為男優同運動員一樣，經常要四出比賽，體能同心態都要時刻保持穩定，大上大落好影響發揮，即使唔使比賽，依然要Keep住最佳狀態，一個稱職嘅男優根本如此。又係喎，當年四仔男神James Deen喺專欄都講過做男優嘅生活好規律，飲食有嚴格要求，早午晚都要做運動，如今入行10年嘅Ryan Driller都係咁講，睇嚟做男優真係唔容易呀！另外，Ryan Driller更分享佢嘅心理質素，就係每日都要同有魅力嘅人發生性關係，期間要不停幻想「我鍾意佢，我鍾意性」，當行動變成習慣，你就有資格進身男優之列！
撰文：祖