睇嚟港女可能係全地球最易呃嘅女人，喺網上扮「王子」都可以呃身家騙感情！不過呃人係唔啱嘅，細佬一定唔會試，頂多都係過馬交夜場過吓王子癮啫！就警方將網戀騙局劇本大公開嗰晚，細佬飛身過澳門富城夜總會Happy，入到場後，我吹水話自己嘅職業係「金融分析師」，唔係想呃囡囡錢，淨係想對方招呼好啲啫，可惜原來係細佬一廂情願嘅諗法，皆因囡囡閱男無數，開口吹兩嘴就知你乜水，好似當晚遇到PR菲菲咁，咪睇阿妹咁後生，佢自爆男友過百，好人賤人乜都遇過，家陣睇男人已成精，仲話單係Feel吓陣「氣場」，就知係好定壞咁話！細佬最鍾意向難度挑戰，菲菲講到咁把炮，一於拉佢坐低玩吓，菲菲睇男人唔係望對眼，反而係實細佬嘅下半身，隔住條褲都畀佢望到有生理反應，但唔怪得細佬，阿妹嗰套水手制服咁Sexy，正常男士都有幻想啦！菲菲一口咬定細佬絕非從事金融，理由係細佬冇見慣大場面，一啲定力都冇喎！啱嘅，既然呃唔到佢，不如大家直接飲酒猜枚好過啦！