講到最討男士歡心嘅囡囡，莫過於可愛又萌味十足嘅女生，好似南韓人氣模特兒閔多白咁，唔單止樣貌萌度高，而且身材勻稱及擁有一對修長美腿，難怪輕易成為男士們嘅焦點。
喺南韓首爾出生嘅閔多白，係一個可愛又漂亮嘅女孩，隨住成長，萌味並未減退，但係佢並唔希望一直予人小妹妹嘅感覺。不過現實就係咁有趣，雖然佢唔想賣萌，卻喺一次機緣巧合之下，憑住可愛萌味而成為模特兒。話說一位從事攝影工作嘅朋友，要搵一個外形可愛嘅模特兒拍攝硬照，點知搵嚟搵去都唔啱心水，於是搵咗閔多白幫手，出於義氣阿妹便一口答應。估唔到客戶對呢輯硬照相當滿意，更表示其後嘅廣告硬照都要由閔多白當模特兒，本嚟佢諗住推卻拍攝工作，但喺攝影師朋友嘅懇求下，佢最終都答應幫忙，就係咁一連拍咗幾輯廣告硬照。
有一日，佢收到模特兒事務所嘅電話，問佢有冇興趣投身模特兒行列，經過考慮之後，佢決定當全職Model。點解唔學其他模特兒咁，先由兼職做起呢？閔多白表示既然揀得做模特兒，就要全程投入去做先至可以做出成績，同時希望有更多機會演出，累積經驗，自然愈做愈好。
初出道時，閔多白先後為多本雜誌及平面廣告拍攝照片，憑住萌味氣質及勻稱身材，好快就喺攝影模特兒界做出相當唔錯嘅成績。與此同時，佢又以車模身份喺車展上登場，作為首個大型活動嘅演出，對於習慣喺攝影棚工作嘅閔多白嚟講，面對嘅壓力同緊張，至今仍然難忘。佢表示喺眾目睽睽下擺甫士，並唔係最大嘅難題，反而最難係現場有好多鏡頭，搞到佢唔知道望邊個鏡頭至啱，好彩得到前輩教路，知道應該點樣面對呢個情況。經過呢次演出後，佢嘅表現突飛猛進，加上萌系魅力令佢發展得相當順利，除咗喺多個大型車展上登場外，又化身成超性感嘅賽車女郎於賽場上亮相，呢個時候大家至發現，原來呢位一直以萌味著稱嘅模特兒，胸前相當有睇頭。
雖然事業發展得愈嚟愈好，但係閔多白卻感受到好大壓力，佢覺得單靠賣萌味已經欠缺新鮮感，為咗有更大突破，佢以熟女形象示人，佢表示呢個轉變最大嘅好處，就係隨住年齡增加，唔再擔心畀人話佢只係識得一味扮可愛。不過亦有人認為，講到底，都係走可愛風嘅佢最吸引，唔知大家又點睇呢？
簡介：初出道時，閔多白憑住萌味而備受注目，後來改變形象以熟女示人，予人一種與別不同嘅味道。此外，一對豐乳亦係吸引男士目光嘅焦點，不過閔多白就最滿意自己一對修長美腿。如果大家想了解佢多啲，不妨Click入呢個網站。
網址：http://cafe.daum.net/alsekgmls
出生地：首爾
身高：170cm
三圍：33-24-33
撰文：魂