每個人對愛情都有憧憬，希望一段甜蜜又長久嘅愛情發生喺自己身上，只係唔知幾時先至等到對的人出現，而美國情慾小說家茱麗‧詹姆斯嘅作品《愛情對手戲》，正係以呢種令人意外嘅愛情故事為核心，然後帶出睇到人血脈沸騰嘅劇情。故事講述任職調查員嘅郝潔西，啱啱從洛杉磯調到芝加哥嘅辦公室，卻遇到早喺受訓時期已經「唔啱牙」嘅組員
薛強恩，兼且要攜手進行一次臥底調查任務。喺呢次任務中，佢哋要假扮成一對餐飲業投資者，事實上薛強恩不但係一位型男，對於工作更係既盡責又專業，只係過往兩人之間嘅價值觀唔同，因而發生咗好多唔愉快嘅事，以致兩人有好多牙齒印。事實上，呢次任務對薛強恩嚟講相當重要，事關佢完成任務後將會被調到精英部隊，故此佢希望能夠做出好成績，但當佢得知做事衝動嘅郝潔西為拍檔，便覺得呢次任務並唔容易。隨住合作關係愈嚟愈親密，兩人之間嘅矛盾不但慢慢化解，身體中暗藏嘅慾望同時將兩人拉得愈嚟愈近，隨時一觸即發。
書名：《愛情對手戲》
售價：約HK$95
撰文：魂