數數手指，中村靜香已經出道16年咁耐，可以話係寫真界當中嘅老前輩。雖然靜香年紀唔輕，寫真資歷深厚，但係今時今日依然保持住一副天真無邪嘅俏麗面孔，青春魅力絕對不下於十八之齡嘅年輕妹妹仔，加埋天賦嘅婀娜迷人身段，吸引力相當高！除咗拍寫真，中村靜香亦頻頻喺電視亮相，近期參演嘅電視劇就有《警視廳岡部班》，不過作為男士，相信會比較鍾意欣賞靜香嘅寫真作品多啲。靜香喺呢部最新嘅寫真映像作品《戀する靜香》當中，將會同觀眾發生一段難忘嘅戀情，不過即使全片都係得靜香一個人演出，但係大家絕對唔會覺得悶，因為阿妹會為觀眾帶來多個誘人扮相，例如扮成斯文得體嘅接待員，亦會換上隆重而性感嘅婚紗，大量能夠將酥胸飽滿度盡情展露嘅鮮艷奪目比堅尼當然唔少得啦！不過最重要都係睇到靜香點樣喺演出時動個不停，製造大量蕩胸搖乳嘅場面，並且向大家報以甜絲絲嘅笑容，令人猶如沐浴於甜蜜戀情當中咁心花怒放！