話未睇過紋身脫星嘅演出，肯定冇睇過歐美四仔，但脫星學紋身你肯定未睇過，因為從來都冇拍過呢類題材，唔好誤會係脫星紋身過程拍畀你睇噃，講緊嘅係脫星去紋身店攞齊架生跟師傅學紋身，而呢兩位脫星本身都好多紋身，有人話好悶，睇你點睇啦，細佬就覺得紋身脫星他日退隱江湖，都可以轉行做紋身師，至少夠說服力先吖！
講番段片，查實係情色網站「TRENDZZ」推出嘅四仔脫星學習系列《Porn Stars Learn》，主題係不定期搵人氣脫星去學習，而今次就搵咗出晒名紋身吸睛過咪咪嘅Anna Bell Peaks及近年紋晒成隻左手嘅Synthia Fixx，齊齊去跟紋身師Joey Hamilton學習紋身技巧，咪以為係求其晒吓奶、扭吓腰、嗲吓師傅就拍完收工，喺10分鐘嘅短片中，見到兩位脫星有板有眼，先手繪起草圖，然後坐埋位學習點使用紋身工具，兩女着得密密實實，專心聆聽紋身師講解，跟住輪到佢哋實習紋身，兩位脫星都選擇玫瑰花圖案，最後Joey Hamilton覺得Anna Bell Peaks嘅作品比較精美，唔知巴打又點睇呢？
撰文：祖