由大台搞嘅選美大賽又再上演喇，唔知大家有冇留意當中嘅新聞呢？小弟就完全冇興趣喇！因為相關嘅新聞來來去去都係揭露一下選美佳麗嘅背景，又或者係參選時佳麗們之間口和心不和等等，娛樂性唔係冇，但係新鮮感絕對係零，小弟寧願將寶貴嘅時間留意日本女優選秀活動喇！
近幾年日本AV女優銳意結成團體向藝能界開拓一條新戰線，最近就有公司計劃搞一個名為「Make It」嘅5人女優團體加入戰團，所以特別舉行一個選秀活動，搵來8位嬌俏可人又活力十足嘅AV女優進行連場比併，睇吓邊5位能夠脫穎而出成為「Make It」嘅成員！呢8位女優分別係明美美羽、一之瀬戀、北乃美玲、熊野步、瀬乃日向、涼宮真白、吉岡沙華以及涼海美沙，佢哋先進行第一階段審查，包括「水着審查」、「歌唱力審查」以及「特技審查」，8位女優換上水着盡騷姣好身段，唱完歌之後再表現獨門絕技，佢哋嘅絕技各有特色，例如吉岡沙華表演排球控球技術，一之瀨戀則表演學習咗一年嘅小提琴演奏，涼海美沙就最特別，阿妹一向以筋骨柔軟聞名，今次佢喺台上表演多個高難度動作，如立定一字馬，睇到人拍爛手掌。
睇完8位女優表演之後，就嚟到第二階段審查，就係「性器審查」，各女優要向評判稱讚自己嘅小妹妹有幾優質，不過女優們唔需要剝光豬示眾，大會亦唔會派專家檢查，只有女優們自說自話，例如話自己好緊緻，又話識得收縮肌肉，男優試過都話過癮等等，一時之間女優們講到面紅耳熱，而評判同觀眾們則聽到（興）合合，全身好鬼熱呀！到最後一個審查就係「決意表明」，女優們分別講出自己希望加入「Make It」嘅原因。最後經過評判們商討之後，審查結果終於揭曉，第一名入選為「Make It」成員就係涼海美沙，之後就係明美美羽、一之瀨戀、吉岡沙華以及北乃美玲，吉岡沙華同一之瀨戀喺聽到自己成功獲選仲開心到喊咗出嚟添！至於其他三位女優涼宮真白、瀨乃日向同熊野步落選後都冇太傷感，因為佢哋會成為後備成員，未來一樣有機會登台表演。
撰文：賢