係男人都夢想擁有一位又體貼又溫柔又可愛又甜美嘅女朋友，最好仲擁有美巨乳添！可惜幻想係美麗，現實係殘酷，能夠有一個唔太醜樣又唔太麻煩嘅女友已經要感恩喇！雖然係咁，我哋其實仲可以將呢個夢想交畀淺川梨奈去實現。阿妹被喻為「1000年一度之童顏巨乳」，唔單止上圍飽滿吸睛，仲有一副標致而清純嘅童顏。原本梨奈喺寫真界可以更為活躍，不過佢家陣係美少女團體SUPER☆GiRLS嘅重要成員之一，經常要隨團四圍登台演出，因為工作忙碌，所以搞到冇時間拍寫真。好彩SUPER☆GiRLS當中有唔少都係寫真女郎，於是佢哋就獲安排一齊推出寫真映像作品，而梨奈嘅作品就係呢部《お待たせしました!》喇。雖然今次冇乜突破性演出或者露出，但係主打溫柔女友感覺，觀眾欣賞嘅時候猶如同梨奈把臂同遊，一起度過溫馨且充滿春色嘅旅程，睇住梨奈點樣以充滿治愈能量嘅笑容呵護自己，又可以睇到阿妹點樣故作撒嬌表情，一定令大家心滿意足，沉溺於呢段「戀愛」當中。