裸模或脫星再勇，都唔及Mandy Lynx勇，點解？因為阿妹根本唔索，唔識剝又冇人幫，仲要自己出錢兼落手落腳去做，目的就係想全世界睇到佢對「裸體藝術」有幾認真！咁好勇咩？睇埋先啦，一般囡囡都係喺雜誌或網站晒架生，Mandy Lynx統統做齊，同時阿妹更自資拍攝一輯以「生活日常」為主題嘅寫真集，佢要話畀人知，最純潔嘅裸體就係喺大自然環境展現，又原來Mandy Lynx係村姑，喺鄉村長大，透過身體力行去感染大眾，平日吃喝玩樂去到邊影到邊，搞掂埋後期就出版一本電子收費寫真集《Mandy Lynx - The Art Of Woman -Country Girl》，配合埋個人網站及社交網一條龍催谷，希望全方位畀有心人認識到自己，結果當然係冇反應啦！Mandy Lynx又點會唔明白市場反應冷淡吖，佢喺寫真集都講，自知樣貌及波哋不如人，但佢話唔信邪，深信努力終會得到成果，所以以上全部付出都只係Mandy Lynx嘅第一步，就係話畀大家知佢正式落場挑戰，即使賺唔到錢，起碼大家去網站搜尋都有佢幅相先吖！