書展剛剛完結，而今屆亦一如以往咁有好多女星推出寫真集應市並成為話題。提到推出寫真集嘅女星，當中唔少都已經年過三十，不過佢哋保養有道，吸引力一啲都唔會輸蝕畀班後生女，而喺日本藝能界亦有唔少類似嘅例子，包括上年憑參加選美活動而加入寫真界嘅現役藥劑師松村加南子，仲有最近推出首本個人寫真集嘅絕色女藝人竹內涉。今年32歲嘅竹內涉喺2005年經過選拔活動而成為歌舞組合「Sister Q」成員，一路發展順利，除咗唱歌，仲拍過唔少日劇，近年仲到南韓發展添！
上年美艷迷人嘅竹內涉進一步發揮魅力拍下唔少性感寫真照片，簡直驚為天人，更有「日本第一美麗的31歲」稱號，之後推出嘅寫真映像作品《誘惑家庭教師～忍耐不能～》將魔性誘惑以及火辣身材表露無遺，更一度成為網購網站亞馬遜寫真映像作品銷量榜第一位！而呢本《Queen•hip•rose …… しり染めし頃に ……》寫真集就係竹內涉嘅最新之作，當中佢將最引以自豪嘅蜜桃形美尻盡情展露，好多畫面都會見到佢換上極為撩動人心嘅T-Back上陣，並做出各種姿勢嚟凸顯桃尻嘅彈性及光滑表面，當然竹內涉氣質迷人嘅美貌以及分量適中嘅美乳亦絕對值得欣賞，大家唔好錯過呀！
書名：《Queen•hip•rose …… しり染めし頃に ……》
售價：約HK$226
撰文：賢