如果唔講呢個模型係嚟自日本超人氣遊戲系列《閃亂神樂》嘅手遊版《閃亂神樂NewWave G-Burst》中嘅女角色雪泉嘅話，單憑外形真係完全認唔出，事關喺手遊中嘅雪泉，一直以嚟都係以白皙肌膚嘅形象示人，試問又點估得到佢呢個最新登場模型，會以一身古銅色，兼且以艷舞女郎形象登場呢？原來模型商有感雪泉嘅模型已經推出得太多，為咗帶畀大家新鮮感，於是今次便設定成「小麥色的日燒肌膚與性感內衣Version」。小麥色肌膚可以食住夏天呢個主題，至於點解要穿着性感內衣？據原型師稱，目的係希望可以展現出雪泉成熟又有女人味嘅一面，同時將玲瓏浮凸嘅身材表露無遺。為咗可以令視覺效果更加澎湃，雪泉嘅雙峰變得更加激凸，配合埋嗰條細到爆嘅丁字褲，養眼度爆晒燈。如果大家覺得仍未夠睇頭嘅話，唔緊要，皆因大家可以親自動手解開佢個Bra，一對激凸雙峰便即時彈出喺你眼前。