正所謂台上一分鐘，台下十年功，大家唔好以為演戲好容易呀！好多演員就算只係得一句對白，背後其實都花過好多時間同努力去排練。而一眾日本AV女優雖然只係同男優喺床上做戲，但係演出之前亦經過一番努力，記住不同場口需要做不同動作以及演繹嘅風格，如果要扮演高級陪浴孃的話，唔少女優更加會向專業陪浴孃學習各種侍浴功夫，所以話女優唔係一份容易做嘅工作嚟（口架）。近期轉型為輕熟女，並且轉投到知名熟女系AV廠溜池滾球旗下嘅希島愛里，為咗了解陪酒孃嘅工作，便親身去到新橋一間叫Shunga嘅陪酒店做學徒。當然，要學嘢就梗係要搵個好導師，今次指點希島愛里嘅亦係一位AV女優，佢就係喺
1989年出道嘅熟女女優加山夏子喇！夏子姐雖然已年屆47歲，但係依家仲拍緊AV，同時亦喺呢間陪酒店工作，除咗夏子姐之外，陪酒店仲招攬咗好多熟女系女優做陪酒孃作招徠，例如伊織涼子、橫山美玲等等。
嚟學做陪酒孃嘅希島愛里對住前輩夏子姐相當恭敬，而夏子姐叫愛里唔使太過拘謹，就當佢係媽媽喎，夏子姐仲笑住話自己喺AV作品中成日都要扮演媽媽角色，已經習慣對年輕人循循善誘。夏子姐先教愛里為客人侍酒嘅簡單技巧，如果客人飲威士忌，首先將冰粒放入杯內，再問客人要「一隻手指（One Finger）」定係「兩隻手指（Two Fingers）」，愛里聽到呢度有少少唔明白，夏子姐就解釋話「一隻手指」即係將酒斟到一隻手指高度咁上下嘅分量，「兩隻手指」就係雙倍喇。愛里除咗向夏子學咗好多侍酒同招呼客人嘅技巧，二人仲進行對談，當中透露咗好多心事，好似愛里話近年成日都收到朋友報喜，身邊嘅朋友好多都結婚同生小朋友，而自己暫時仲未搵到結婚對象，內心空虛又寂寞！至於愛里喜歡邊類型嘅男人呢？愛里話自己相當大頭蝦，所以要搵一個理解力強又錫佢嘅成熟型男士做伴侶。咦！我咪就係呢類型囉！愛里，得閒大家不妨溝通一下！
撰文：賢