小弟每次面對挫折，都會諗起秋官套經典劇集《誓不低頭》嘅同名主題曲，「面對那厄運未退後，今天的夥伴是拳頭。」點困難都好，要靠自己奮鬥去爭取成功，最近一位備受壓迫嘅美人兒就誓要靠自己嘅肉體作出反擊，佢就係七海蒂娜喇！23歲嘅七海蒂娜出道以來一直以名古屋為發展據點，曾經係美少女偶像組合「Bee×SWAT」嘅成員，之後轉投到另一組合「蜂蜜皇帝」發展。然而，蒂娜命途多舛，在學時期成日被人欺凌，估唔到做偶像一樣屢受前輩欺壓，仲因為畀人篤背脊，結果被事務所踢走！不過，蒂娜並無因此而萌生退意同認輸，為咗表達自己誓不低頭以及反攻嘅決心，最近推出一本挑戰個人演出尺度界限嘅寫真集《ティナ》。喺呢本寫真集當中，七海蒂娜會全裸上陣，唔少鏡頭都可以睇到佢盡露胸前兩點以及無遮無掩嘅圓潤臀部。另外，蒂娜仲會玩埋濕身以及抹油誘惑，以濡濕同光亮嘅肌膚增加吸睛度！