日本AV界一向都創意無限，諸如透明人系列、時間停止器系列等男人性幻想都統統拍成AV，此外AV女優喺片場以外參與好多搞笑又過癮嘅活動，例如「大家來聽美少女放屁會」就喺上年10月首次舉辦，請來AV女優喺舞台上大鬥放屁，由於夠創意又搞笑，所以被日本傳媒大事報道，而話咁快早前就上演咗第三屆放屁會！
今次請來上屆放屁冠軍美熟女明里友香出席，其他挑戰者包括響麗美、明音光以及明美美羽。一如以往四位女優出場嘅時候獲得現場觀眾嘅掌聲歡迎，而女優們亦齊齊舉杯祝酒，之後便上演放屁大會！按照慣例，女優們都會齊齊趴低，將屁股朝向觀眾打響頭屁，不過今次就逐個女優放屁畀大家聽，作為盟主嘅明里友香果然有料到，一嚟就連放8次屁，至於明音光都唔弱，放咗4次咁多，響麗美則有1次，反而明美美羽唔知係咪未熱身，一個屁都冇。
打響頭屁之後，比賽仲未開始，因為女優們有見眾多觀眾都係為屁而來，一定係好此道，為咗讓觀眾保留原汁原味，女優們逐一喺臨時更衣布幕內除低內衣褲，然後畀觀眾競投！之後，女優們小休一會，期間佢哋為咗補充體力以及加速產生臭屁，個個都密密口食番薯，更即場剝衫露出內裏嘅比堅尼，而且搔首弄姿，令觀眾好似睇緊脫衣舞一樣咁過癮！大家都知道想放屁一定要腸臟協調至得，所以大會請來按摩師幫女優們按摩肚仔，以進一步確保女優喺比賽當中有屁放。一輪準備工夫完畢，放屁比賽終於上演，由於今次有四個女優，所以先嚟個一對一形式嘅分組比賽。不過，點鬥都好，美熟女明里友香實在屁量絕倫，總計喺3小時活動中放屁次數達65次之多，以破放屁會紀錄嘅成績蟬聯冠軍！至於亞軍係放咗10次屁嘅明音光，季軍則為同樣係放得1次屁嘅響麗美。
撰文：賢