格鬥遊戲中絕大部分嘅女角色都有兩個共通點，就係着得性感兼擁有激凸豪乳，加埋動作場面中嘅乳搖效果，更係睇到人流晒口水。冇乳搖就唔吸引？咁又未必，好似嚟自人氣格鬥遊戲系列《生死格鬥》中女主角之一嘅Marie Rose，就係憑住萌味十足嘅外形令佢一直人氣不減。既然人氣咁高，模型梗係長出長有，而最新登場嘅Marie Rose模型，就係取材自喺2015年2月登場嘅《生死格鬥 5 Last Round》中嘅造型，化身成兔女郎嘅Marie Rose更加誘人，加埋精靈嘅眼神，真係引死人！模型嘅甫士嚟自佢嘅招牌動作，而唔同嘅之處在於今次佢以兔女郎造型登場，增添一分性感女人味，事關低胸嘅兔女郎制服下，一對美乳有跳蕩出嚟嘅感覺，本嚟已經相當吸睛，加上一對絲襪美腿，配合埋相當有肌肉嘅美腿線條，令視覺效果大增。如果從後面去睇嘅話，仲會發現T-back加上渾圓嘅美股，吸引力爆燈，令人睇到唔眨眼。