師傅教我可以出去蒲，但係千祈唔好沉迷於酒色財氣當中，徒弟仔我呢幾年都好聽話，經已戒咗夜蒲習慣，每日收工都乖乖地返屋企陪阿媽。之不過，今次我真係忍唔住喇，實在好想去SOD立飲店喪蒲，享受同沉醉喺AV女優同美酒嘅環境當中呀！
近幾年小弟都會喺年尾約埋班豬朋狗友齊齊去日本旅行放鬆一下身心，順便歎吓當地嘅溫泉以及佳餚，當然最重要就係睇吓有冇機會結識到日本女仔啦！一年容易又嚟到年中，正正就係時候同班老友計劃一下今年年尾去日本邊度識女仔喇。話時話，今年應該唔使點諗，7日旅程我一定堅持要去東京，點解？因為我要去幫襯由AV廠SOD開嘅SOD女子社員立飲店囉！呢間立飲店喺5月3日開幕，店舖面積同一般小食店差不多，雖然細細間，卻有極為吸引男人嘅大賣點，就係每逢星期六及日，店內都會有AV女優駐場貼身招呼客人，而開幕當日就有SOD一姐紗倉真菜打頭陣，之後就由戶田真琴接棒為客人奉上美酒以及各式小食。
SOD立飲店最大賣點係有AV女優侍客，大家能夠同女優一邊聊天一邊歎酒，真係人生一樂也！繼紗倉真菜、戶田真琴之後，開幕第三日就出動健美巨乳妹桐谷茉莉，往後除咗有古川伊織、三田杏、小倉由菜、榎本美咲等陸續上陣之外，好多與SOD關係友好嘅自由身女優亦紛紛撐場，好似澀谷系女王Aika曾喺5月12日現身，其他女優仲有小淫娃南梨奈央、跡美珠里等。不過立飲店開幕以來女優陣容最鼎盛就係一次過請來早川瑞希、宮崎彩以及七海由喇。據悉當日三位女優不停手咁為客人提供貼心服務，客人要小食，佢哋就即刻會擒高擒低搵客人要嘅罐頭又或者係花生、果仁，雖然女優以一身白恤衫配及膝裙仔示人，但係剪裁貼身，胸部及臀部曲線美展露無遺，加埋女優們全程展露親切笑容，相當迷人。
為咗吸引客人，除咗出動AV女優之外，台前幕後工作人員亦盡心盡力，而一向親民又事事親力親為嘅社長野本義明同副社長高岡哲也當然亦有幫手啦！野本社長喺事前做咗好多策劃工夫之外，仲以家傳咖喱秘方親手煮咖喱飯畀SOD嘅職員試一試，等大家都食到津津有味至正式列入餐牌。至於高岡副社長就喺開張之前監製宣傳單張及海報，亦有親身企喺街頭派傳單，到開張嘅時候自己仲落場做司儀同女優一齊搞氣氛添，有如此高層，做SOD員工真係幸福。
講咗咁耐，係咪好想去幫襯呢？至於收費方面，頭一小時收費為2,500日圓，約185港元，當中嘅1,500日圓用嚟買食物及飲品，而1,000日圓就係基本入場費，一小時過後，就再繼續收取入場費每小時1,000日圓，抵唔抵就見仁見智，但係難得有機會可以同AV女優見面，小弟就覺得如果有機會去日本東京旅遊，唔去就對唔住自己囉！
撰文：賢