喺綠色生活嘅大前提下，大家都希望能夠生活得夠原始，咁唔知大家對原始性生活又點睇呢？其實性愛就係一種最原始嘅本性，而喺情慾字典及成人作品中，亦唔難發現到最原始同Raw嘅詞語及AV，今次就同大家探究最Raw嘅真相啦！
天體主義者鍾意用赤裸裸嘅身體嚟親近大自然，而講到赤裸嘅英文有好多，除咗有「Naked」同「Nude」外，其實仲可以用「Raw」，皆因喺英文中，「Raw」有原始、自然狀態、粗獷等嘅意思，因此便被引申出形容裸體嘅用法。如果係咁嘅話，咁英文情色俚語中嘅「Raw Meat」又係乜嘢意思呢？唔通解做未經處理嘅肉類？如果咁諗就錯得交關，話明係同情色有關，佢嘅意思當然唔係咁解啦。原來早喺18世紀時，「Raw Meat」呢個俚語就已經出現，意思係指男士嘅兵器，因此如果聽到有人話「Show his raw meat」時，千祈唔好以為有人騷舊未經處理嘅生肉出嚟呀！
如果想同伴侶表示進行無套式性愛，亦即係打真軍嘅話，英文應該點講呢？答案就係「Fxxx Me Raw」。當中嘅F字頭英文，相信唔使多解釋，大家都能夠心領神會，不過呢句比較粗俗嘅俗語，大家要小心運用。例句：Susan says, "No condom? Well, Fxxx me raw."（蘇珊話：「冇套套？好，我哋打真軍啦。」）若然唔想講得咁粗俗，想講得優雅啲嘅話，大家可以用「Raw Sex」嚟表達，佢嘅意思同樣解做無套式性愛。雖然呼籲大家要做足安全措施，但事實上卻有唔少人選擇進行無拘無束嘅原始性愛，據英國醫學資訊網站Superdrug Online Doctor喺去年3月對1,000名美國人及1,000名歐洲人進行關於性生活嘅調查，結果發現有百分之六十五嘅美國人及百分之五十五嘅歐洲人，喺啪啪啪時唔會使用安全套，認真危險。
能夠成為經典四仔，搵嚟一眾性感火辣嘅脫星演出激情四射嘅床戲固然係重點，但係男優及精彩嘅劇情同樣唔少得，好似呢套由美國四仔片廠VCA喺2000年7月推出嘅《Raw: The Rise and Fall of a Porn Star》就係一個好例子。由男優Joel Lawrence擔綱演出，仲有Anita Cannibal、Donita Dunes、Jessica Jewel、Kylie Ireland等一眾性感女脫星坐鎮，加上有趣嘅劇情及鹽花場面，喺2001年嘅AVN頒獎禮中獲得最佳四仔DVD獎項，而Joel Lawrence更分別喺2000年及2001年嘅XRCO同AVN頒獎禮中榮獲最佳男脫星。
故事講述Joel Lawrence飾演嘅Jerry係一名三流荷里活演員，為咗錢佢決定轉型拍四仔，卻估唔到獲得極高人氣，而收入亦愈嚟愈豐厚。未婚妻起初冇懷疑Jerry點解無啦啦咁有錢，後嚟發覺佢唔單止變得富有，床上功夫亦愈嚟愈勁，終於對佢產生懷疑。面對知名度愈嚟愈高，Jerry好難掩飾真相，究竟佢應該點做好呢？Joel Lawrence之所以能夠演繹出三流演員嘅神髓，皆因佢喺加入四仔界之前，確實係一位三流演員，難怪佢演得入木三分。
撰文：魂