根本凪百折不撓

師傅教落做男人最緊要係拎得起放得低,要從失敗當中學習,咁先可以有成功嘅一日。其實唔單止做男人要如此百折不撓,女士們亦一樣,好似美少女偶像根本凪咁,雖然人仔細細,但係已經歷過唔少波折同困難卻依然勇往直前,呢種精神絕對值得大家好好學習。

人細胸大

體形小巧嘅女仔特別討男人喜愛,而喺日本寫真界中就有唔少生得矮小嘅青春美少女,好似片岡沙耶、天木純咁,身高唔夠5呎,之不過佢哋嘅賣點除咗萌味十足嘅可愛面孔,仲有胸前一對彈力十足嘅極品巨乳。提到小巧又好波嘅寫真妹當然唔只得片岡沙耶同天木純佢哋啦,仲有今日介紹畀大家認識嘅根本凪。

19歲嘅根本凪,身高5呎差半吋,身材嬌小,肌膚又白又滑,仲擁有一對純天然G奶,極之吸睛。同好多童顏巨乳女優一樣,根本凪好波得嚟氣質稚氣濃厚,但係就唔屬於可愛而嬌嗲嘅類型,原因係根本凪生得俏麗精靈,面上總係掛住陽光燦爛嘅笑容,一睇就知好動又調皮,如果做女朋友的話,一定每日都會相處得好愉快,唔怕會有悶場喇!

幾經波折

但原來活力十足嘅根本凪曾經試過「謝晒皮」!話說2013年即係阿妹14歲嘅時候,加入美少女團體「水戶當地偶像」四出登台表演,因為工作極多,加上綵排頻密,2014年便宣告因為精神同身體處於疲憊狀態而緊急引退。幸好,後生女回氣特別快,根本凪經過唔夠半年時間休養之後,便回復健康精神狀態,後來加入一個名為「虹之挑戰者」嘅團體,再兼任埋一個叫做「電波組.inc」嘅團體,時至今時今日,阿妹仍然係呢個兩團體嘅主要成員,經常登台表演,而根本凪更不時同隊員開網絡直播同樂迷作現場交流,以甜美笑容溫暖大家嘅心。

除咗之前健康欠佳,根本凪早前因為左眼有斜視問題而受到困擾,甚至惹起觀眾批評,好彩根本凪經得起風浪,斜視問題又未有惡化,可以繼續喺藝能界發展。另外,根本凪因為同男友拍拖違反經理人公司嘅合約,搞出一輪風波之後,大家至發現根本凪嘅保密工夫做得相當勁,係就係知道佢有男友,但卻搵唔到兩人一起嘅證據,而最後呢件事都冇影響到事業發展,同時亦冇阻根本凪脫去衣服展露出驕人身材進軍寫真界。

社交網站

簡介:喺根本凪嘅Twitter可以睇到佢登台嘅花絮,仲可以睇到好多寫真照,因為根本凪近年開始拍水着寫真之外,仲頻頻舉行攝影會,以多款不同誘人扮相吸引龍友。

網址:https://twitter.com/nemoto_nagi?lang=ja

根本凪Profile

年齡:19歲

身高:4呎9吋

三圍:35G-23-34

撰文:賢