咯咯聲好好聽

咪以為男人先有怪癖，原來囡囡激起上嚟仲得人驚！好似澳門富城夜總會有位PR叫安琪，巴打都話想挑戰佢，究竟玩乜咁巴閉呀？原來安琪有鋪高踭鞋癮，不論開工定放假都會喺社交網勁晒高踭鞋相，阿妹仲話由佢識行路開始都未着過平底鞋，屋企最矮嗰對高踭鞋都有4吋高咁話喎！咁當然安琪純屬講笑，無非想話你聽佢有高踭鞋癖啫！

但睇安琪都唔係吹水，當日見佢着住一對6吋高閃粉高踭鞋行路如履平地，坐喺佢隔籬嘅我被佢撩吓撩吓，搞到心都離埋，安琪仲愈講愈興奮，靜雞雞爆畀細佬聽，話着住高踭鞋唱K零舍好Feel，皆因一路唱一路跳舞，鞋踭踩落地發出嘅「咯咯聲」，極有女王Feel喎！

另外，安琪仲話好鍾意玩一招「愛的抱抱」，咁樣對細佬暗示，今晚仲唔係你？