有人話男女相處貴乎坦誠，亦有人話男女如果想相處得耐啲，不外乎呃呃氹氹。其實欺騙對方嘅行為準則，真係要睇吓對方性格而定，當然一啲大是大非嘅問題，梗係唔呃好過呃啦！話說回來，究竟情慾字典中有冇跟Cheat及欺騙嘅詞語呢？
打機成日聽到有人投設對方「Cheating」，當中嘅意思解做作弊，而喺情色俚語中嘅「Cheating」又係咪指作弊呢？查實佢嘅意思係指伴侶背住自己喺外面偷食。例句：I caught my boyfriend cheating on me with another girl.（我捉到我條仔同另一個女子有路。）如果做呢種偷食行為嘅人，又會稱佢哋做乜嘢呢？答案好簡單，就係「Cheater」，即係騙子嘅意思。
不過大家要留意，喺英文情色俚語中「Cheater」又可以解做安全套，只係佢有特定條件先至可以咁用，就係男女其中一方，原本希望能夠冇隔膜咁啪啪啪，點知對方卻偷偷地用安全套，或者男士希望用一個具有延長作戰能力嘅安全套，等自己可以做得更加持久，如果出現上述其中一個情況嘅話，咁先至可以暱稱安全套做「Cheater」。
自從美國經典成人電影《Deep Throat》後，引起深喉呢種玩法熱潮。當然呢種玩法有一定危險性，對於一般男女嚟講未必啱玩，因此就出現咗一種名為「Cheaters Head」嘅玩意，其玩法好簡單，就係喺前奏部分，女方吸啜男方嘅手指，從而提升調情嘅效果。究竟呢種手指玩意，係咪每個人都覺得好玩呢？真係因人而異。
講到關於「Cheat」嘅玩法，仲有一種名為「Cheat the Census」。「Census」中文解做人口普查，咁「Cheat the Census」莫非解做欺騙人口普查？梗係唔係啦！查實佢嘅意思係指體外發射。此外，英文情色俚語中仲有「Cheat the Meat」，而佢嘅意思則係指男士自娛，皆因喺美國俚語中「Meat」暗指兵器，係咪好得意呢？
美國四仔純屬予人官能刺激，簡單嚟講即係男女瘋狂啪啪啪，脫星則起勢大叫「Oh！Yes！」不過係咪所有四仔都係咁呢？由美國四仔片廠New Sensations喺2004年4月推出嘅作品《Erotic Stories: Lovers and Cheaters》，以5個短篇情慾故事組成，分別係出軌丈夫與S系情婦、好姊妹情慾困境、一腳踏兩船索女情慾三角錯、好色夫妻3人行同寂寞鄰居夜半拍門，從中揭出愛侶同騙子之間嘅情慾關係。作品推出後獲得極佳評價，除咗因為故事夠吸引外，更由著名導演James Avalon操刀，並搵嚟Dani Woodward、Jasmine Lynn、Monica Sweetheart等一眾極具人氣嘅脫星演出，呢套作品更被AVN評為美國四仔界500套必睇作品之一。
講到James Avalon嘅來頭相當勁，1979年以四仔業界記者身份入行，更係X-Rated協會嘅創始會員之一，其後轉戰四仔導演嘅佢，喺1998年憑住作品《Zazel: The Scent of Love》於AVN頒獎禮上獲得最佳導演，2001年又憑《Les Vampyres》再獲最佳導演殊榮，2004年及2005年分別進入XRCO及AVN名人堂，足見佢喺四仔界嘅地位。
素人女優嘅吸引之處在於佢哋冇乜AV演出經驗，埋牙演出時更加逼真，唔似得老經驗嘅AV女優咁，係唔係都大叫一餐。講到呢類素人嘅AV系列，日本有個名為《美女騙錄》系列，主題係欺騙一班斯斯文文嘅索女喺鏡頭前嚟個瘋狂啪啪啪演出。呢個由日本著名AV片廠Prestige喺2011年1月推出嘅系列，首部登場作品《美女騙錄 01》搵嚟當時出道冇耐，廣義上仍算係素人嘅AV女優相原紗英（後嚟改名做愛原沙耶）演出，故事講述佢係一位花店零售員，擁有迷人嘅氣質同外貌，結果被男士搭訕兼約佢去飲酒，點知紗英飲醉咗，就咁被人帶到酒店，同場更大玩3人亂鬥。雖然紗英畀人呃咗，但激烈嘅高潮令佢不能自拔。由於呢個系列極受歡迎，故此Prestige其後搵嚟望心優、繪色千佳、淺之美波等堅素人演出，而家陣極具人氣嘅北川瞳亦曾經演出過呢個系列。
至於劇情方面，一班素人女優會化身成藥店、便利店、雜貨店等零售員，或者咖啡店、喫茶店等嘅女侍應等角色，然後都千篇一律被男人呃咗去酒店，跟住再激玩多P遊戲。因為劇情太過單調關係，故此奄尖嘅AV迷慢慢失去新鮮感。及至同年9月推出系列第8個作品，由椎名光演出嘅《美女騙錄 08》後，呢個系列便宣告完結。
撰文：魂