巨籮扭動冧到暈

男人鍾意𥄫女係天性,而每個男人欣賞嘅部位都有唔同,有人鍾意巨乳,亦有人鍾意長腿,當然有唔少男士鍾情巨臀啦!好似有位男網民咁,佢坦言因為公司一位女同事嘅巨臀而起痰。呢位男網民表示最近留意到一位女同事,佢嘅樣貌雖然一般,但係渾圓又有分量嘅巨臀,卻令佢流晒口水,佢話:「嗰次佢着咗條貼身迷你裙返工,成個股形現晒出嚟,睇到我眼凸不特止,仲現埋條底褲邊,搞到我即時硬晒軚!可能佢知道我(目及)佢,竟然擰轉頭向我微笑,仲問我佢條裙好唔好睇,我梗係話相當吸引啦。如果我追佢嘅話,唔知有冇機呢?如果畀佢知道我因為佢個巨籮而鍾意佢,又會唔會覺得我好Cheap呢?」

網友回應:

子仁女友:邊個叫你咁坦白,拖都未拍就話佢知:「我係因為你個躉而冧你。」你咁講,係人都覺得你Cheap啦!老土啲講,男人之所以想追個女仔,都係因為佢外形啫,想追咪追囉。

Hannah Bacon:我覺得個女仔好大方,貌似人品唔錯,知道你個鹹濕仔(目及)佢,佢都竟然會咁樣同你講,應該對你唔會有厭惡感。既然係咁,追吓又冇問題喎。

乳都公子丸:睇你就知道已經難以自拔啦!不過你話我潑冷水都要講,就係喺公司咪搞埋咁多嘢,追到當然畀人唱,追唔到更加畀人唱通街,咪制呀!

1噸甜筒:你講到我都流晒口水,呢種貼身迷你裙嘅打扮,相當有畫面囉。其實睇佢嘅反應,你應該都有啲機,問題係你唔應該覺得自己Cheap,因為佢個籮都係佢嘅一部分,你愛佢嘅一部分,都係愛佢吖!

撰文:魂