喺唔少人眼中，拍AV唔需要創意，只需要一位外形誘人嘅女優同男優喺床上演戲就得，而事實上，拍AV不但講求創意，更要奉公守法，以及維護AV女優嘅權益，所以拍一部AV真係唔容易o架！
近年日本AV界麻煩事多多，尤其係關於AV女優被強迫拍AV，或喺唔知情嘅情況下，被騙演出AV等事件，更係困擾唔少AV廠。為咗唔想再惹嚟麻煩，早前有AV廠強制性導演喺拍攝AV時，每一項演出嘅動作都要事先得到AV女優嘅同意，否則唔可以喺拍攝途中，要求AV女優演出劇本以外嘅額外演出。首先大家要了解一點，每部AV看似零劇本，事實上喺拍攝AV之前都準備好劇本，畀AV女優跟住嚟演出。至於AV片廠提出禁止額外演出嘅意思，原來有啲AV導演會喺拍攝途中，突然要求女優加入吹奏、自娛、潮吹，甚至走後門、愉虐等重口味演出，過往由於種種原因關係，即使AV女優萬般不願意，卻基於導演嘅壓力而被迫就犯，而喺新規矩下，導演唔能夠任意妄為。
呢種做法對AV女優嚟講的確有保障，但係唔少AV導演就感到相當不滿，有導演話喺拍攝途中心血來潮，想加插女優自娛場面，但係劇本卻冇寫到呢場戲，就要先停機拍攝，然後詢問AV女優同唔同意，跟住先至可以繼續拍攝。有資深嘅AV導演坦言咁樣會相當影響拍攝進度，同時會令創作空間變細咗。不過咁樣都未算嚴格，若然作品內容係關於凌辱等題材嘅話，仲要喺AV封面上寫住「已徵求女優同意拍攝」，以免大家以為係強迫AV女優演出。對於呢啲新規矩，唔知大家又有乜睇法呢？
家陣拍AV真係幾困難，除咗要保障AV女優嘅權益，唔想辣着班衞道之士外，更加要留意題材有冇問題，否則就會通過唔到審批。日本AV片廠「西蘭花」（ブロッコリー）係一間專門拍攝妄想題材嘅製作公司，今年初喺官方Twitter事先張揚，將會推出一套由AV女優井上綾子化身成諸葛孔明嘅Cosplay妄想作品《三國志熟女》，不過早前「西蘭花」表示呢部作品未能通過審批，原因係片中有唔少對白提到諸葛亮孔明、呂布等名字，若然將名字用「咇」聲屏蔽成諸葛亮「咇」明、呂「咇」等嘅話，應該可以通過。雖然呢種做法會令部AV充滿「咇咇」聲，但係總好過作品出唔到街。
正當製作公司努力進行後期修正工作時，卻又收到審批單位通知，話套AV封面有問題，因為諸葛孔明係歷史人物，因此「諸葛孔明Cosplay」絕對唔可以作為AV封面。為此，「西蘭花」將整個封面打晒格仔，只露出井上綾子個頭，點知都係唔得，審批單位表示封面一定要避免污衊特定人物，故此未獲得通過。最後，「西蘭花」決定以勁萌嘅漫畫封面代替，結果成功通過審批。之但係睇見個封面一啲都唔吸引，完全挑唔起AV迷嘅興趣囉！
唔少男士都為兵器嘅長度而煩惱，呢個問題唔單止發生喺亞洲男士身上，連外國男士亦然，事關兵器嘅長度代表雄風，若然比其他人短小嘅話，真係會輸人兼輸陣。早前英國健康及美容品牌Superdrug進行一個關於兵器長度煩惱嘅調查，整合咗約1,200名歐洲男士嘅數據後，結果發現歐洲男士嘅兵器喺正常情況下平均長度為3.5吋，當進入作戰狀態時，平均長度為6.3吋，呢個長度對唔少亞洲男士嚟講已相當唔錯，但調查卻發現只有百分之六十七嘅受訪男士感到滿意，當中更有四分之一嘅受訪男士承認，曾經試過喺網絡搜尋可以令兵器變長嘅方法。
不過對於女士嚟講，佢哋又係咪咁着重男士嘅兵器長短呢？調查指出，有百分之六十五嘅女士並冇將男伴嘅兵器長度，同佢哋床上嘅表現扯上關係。另外，有超過3成嘅女士表示兵器長度並唔重要，更有百分之三十五嘅女士坦言佢哋一啲都唔在乎。雖然係咁，調查中有百分之二十九嘅女士認為長度好重要。睇嚟對「小器」嘅男士嚟講，遇到一位唔係咁在意兵器長度嘅女伴機會較大，難怪調查叫男士唔使咁介懷兵器嘅長度，當然長度真係唔好太短囉。話時話，亞洲男士之中有幾多人硬直長度會少於6.3吋呢？
撰文：魂