精彩嘅模型唔單止長出長有，仲要係未推出已經令人熱切期待，好似呢個貝爾緹優‧阿芙奇瑟模型就係其中之一，佢嚟自日本十八禁遊戲《Walkure Romanze 少女騎士物語》嘅超人氣角色。可能有人會問，早前唔係已經介紹過貝爾緹優‧阿芙奇瑟嘅模型咩？冇錯，但係今次佢以火辣比堅尼造型登場，露肉度非常高，養眼度爆晒燈！據原型師川崎和史表示，呢個造型係取自遊戲當中貝爾緹優以性感比堅尼登場嘅一幕。原來佢每次比賽時，盔甲下都會穿上一套紫色櫻花圖案比堅尼，而雙腿則會穿着一對黑色絲襪。雖然唔知點解佢要咁着，但係誘惑度大大提升。川崎和史話模型最難做嘅地方，並唔係要做出精緻嘅櫻花圖案，而係紫色盔甲上面嘅花紋同部件，為此佢花咗唔少心機同時間。不過講到吸睛位，當然係貝爾緹優一對激凸豪乳，從後睇嘅話，性感泳褲下露出美股，加上肉感十足嘅肌肉紋，令呢副身材更加性感同有質感，絕對係一個佳作。