天氣漸漸熱起嚟，相信一眾喺戶外進行體力勞動工作嘅朋友會愈來愈辛勞，不過就算喺冷氣房體力勞動，其實亦唔見得舒服得去邊，小弟所指嘅係AV男優！大家睇AV嘅時候，見到班男優可以一親美女芳澤，更加可以享受女優們嘅體貼服侍，一定好羨慕佢哋呢份工喇！之不過，做男優唔係想像中咁簡單同咁容易o架，一來需要長時間保持勃起狀態，二來又要快速又頻密咁抽送，對體力需求相當大，而且床戰對手未必係青春活潑嘅美少女，可能係五十路、六十路嘅熟女。
現今AV界最當打嘅男優清水健，早前推出咗本書教大家點樣提升性能力。健哥從18歲開始做到男優做家陣38歲，喺呢20年男優生涯當中不斷研究壯陽以及男性健康，佢仲話比起搵錢，男士們嘅生理健康更為重要。健哥研究咗好多生活習慣，發現老一輩之所以身壯力健，而年輕一代出現性能力不濟問題，好可能同舊陣時多用踎廁有關，健哥話人體有7成肌肉分布於下半身，踎低動作做得多，唔單止可以鍛煉下半身嘅肌肉，更加可以提升雄性激素水平，所以佢推出咗一本書叫做《大便式坐法》，表示大家如果想壯陽的話，不妨先練習一下踎低約1分鐘嘅動作，期間嘗試將屁股盡量提高。如果大家想清楚了解一下健哥嘅其他壯陽建議，可以買佢本書嚟睇睇。
撰文：賢