最近有部西片叫做《潮爆女Coco》，主題講時裝品味，AV界資深人士神仙乙自認係草民，對於潮爆女冇乜興趣，但係潮濕女就唔同，日本AV有唔少以濡濕美女胴體為主題嘅作品，呢班女優嘅曼妙身材經濕潤之後更為誘人，而且濕氣愈重就愈亢奮，最後更High到爆發潮吹，為觀眾嘅眼球帶來無比滋潤！
碟名：《羞恥濡濕的內衣》
主演：白木優子
片長：150分鐘
出品：Madonna
內容：白木優子係一個正經嘅辦公室女郎，平時着得密密實實，某日佢要入貨倉搬運文件，於是搵男同事杉浦幫手，由於太熱關係，優子解開幾粒衫鈕抖一抖氣，不經意露出性感內衣，加上心口布滿汗珠，令杉浦睇到眼甘甘，而優子亦因為杉浦嘅貼心幫忙而芳心暗許。搬完之後，佢哋返回辦公室對座兼對望，夜晚當其他同事走晒之後，二人終於按捺不住，急急將身體互相貼近，繼而展開一場辦公室性戰！之後，佢哋愈來愈放肆，除咗約出外面爆房，亦會去到貨倉偷歡，喺侷促嘅環境之下砌到身水身汗。
碟名：《暴風雨憧憬的同班同學》
主演：真城杏
片長：120分鐘
出品：Madonna
內容：男主角太郎係一個30歲嘅獨居單身狗，有一晚下着滂沱大雨，佢留喺屋企食杯麵唔出街，突然門鐘響起，原來係佢高中時暗戀嘅女同學真城杏，由於遇到大雨搞到全身濕透，所以問太郎可唔可以畀佢入屋避雨，太郎當然答應啦！望住真城杏身上件T白恤透現黑Bra，太郎忍唔住向真城杏索吻，真城杏起初抗拒，但係喺太郎嘅熱情之下，態度漸漸軟化，半推半就同太郎搞起上嚟。事後，太郎仲未夠喉，趁真城杏沖涼嘅時候從後突襲，再向真城杏表白，不過真城杏對於突如其來嘅行動接受唔到，於是冒住大雨匆匆離去。第二晚，又繼續落大雨，當太郎回味昨晚嘅溫馨之時，真城杏又再搵上門，原來佢同太郎一樣回味昨晚嘅快慰，結果兩人上床盡情癡纏。
碟名：《女上司的濡濕透明巨乳使我失去理智》
主演：佐山愛
片長：120分鐘
出品：OPPAI
內容：男職員正太同大波又有韻味嘅女上司佐山愛一齊出勤同客人傾生意，回程途中遇着大雨，二人走到一間廢棄大廈避雨。期間，正太見到佐山愛渾身濕透，即時慾火爆發，忍唔住向佐山愛上下其手，更嚟個霸王硬上弓！經過呢次之後，二人相處同平時冇分別，但係心入面始終有芥蒂。之後，佐山愛同正太嚟個「案件重演」，不過今次唔係去廢棄大廈，而係租酒店房共度春宵。正太今次極力克制自己，相反佐山愛就發晒姣咁表示好喜歡正太帶畀佢嘅床上快感，咁就唔使多講啦，一於大戰三百回合！
代號：神仙乙
年資：26年
活躍地點：先達中心
簡評：AV女優身材驕人，如果有水氣潤澤一下胴體，吸引力更加強烈，所以本仙一向都好鍾意睇陪浴孃系列及溫泉激戰場面，而今次為大家介紹嘅3部作品，雖然唔玩陪浴同浸溫泉，但卻一樣可以帶畀大家濕身嘅體驗。3部作品當中，由真城杏主演嘅《暴風雨憧憬的同班同學》令本仙睇得最興奮，久休復出嘅真城杏依然保持住一副激凸身材，濕身透底嘅畫面足以令觀眾大飽眼福，而杏妹喺男主角主動求歡嘅時候，表露出羞怯表情以及半推半就嘅反應，可謂入木三分，令人睇到零舍投入，可觀性極高。
撰文：賢