保鮮紙包裹巨乳 防走光

裸體養眼實驗

日本電視台有個專門驗證都市傳聞嘅節目《星期三的Downtown》，早前為咗驗證漫畫中一個情節，就係用保鮮紙包住裸體而唔會露點嘅話，係咪要厚達30cm嘅保鮮紙先至做得到。話說日本長壽漫畫《烏龍派出所》第121集中，講述女主角麗子用保鮮紙包住自己嘅裸體，結果保鮮紙包裹達到30cm厚度，就可以成功遮住三點防走光，於是節目就搵嚟擁有38 I巨乳身材嘅寫真女優鈴木富美奈嚟進行實驗。

首先安排鈴木富美奈喺大型浴簾後面剝光豬，然後以長度60cm用作包貨物嘅大型保鮮紙，一層又一層咁包住自己，當包到特定層數時，鈴木富美奈就走出浴簾示人，等大家睇吓包咗幾多層保鮮紙，先至可以做到唔透出肉光嘅效果，只見包咗10層後，仍然清晰地透出肉光，而包咗20層隱若有肉光透出，直到包到第76層，終於達到完全唔透肉光嘅效果。究竟保鮮紙嘅厚度有冇漫畫中所講達30cm咁誇張呢？經過量度後，原來保鮮紙厚度只有2.49cm。之後，富奈美將保鮮紙包裹裸體嘅照片放上Twitter同大家分享，有網民坦言，對於呢個實驗嘅興趣唔大，反而關注富奈美係咪真係全裸做實驗，亦有網民表示經保鮮紙包紮後，一對巨乳谷得更加大，乳溝更加誘人。老實講，呢種咁養眼嘅實驗又真係唔怕多啲做呀！

醜男唔畀做男優

如果男人生得樣衰，仍要去做AV男優係咪錯呢？呢個問題有人話要分開兩個部分嚟回答，男人生得樣衰唔係佢嘅錯，只係樣衰男人走去演出AV卻係罪大惡極，而講出呢番言論嘅人，就係日本評論家勝部元氣。早前，勝部元氣喺Twitter上指出樣衰嘅男優喺AV上出現，簡直係一種「性暴力」，因為咁樣只係為咗滿足「用骯髒嘅身體污染女性」嘅扭曲慾望，佢仲話性愛應該係愉快嘅行為，點可能有靚女會同樣衰嘅男人交歡呢？講完呢番言論之後，勝部元氣陸續喺Twitter批評外形樣衰同猥瑣嘅男優。

網民見到呢啲評論，有人批評勝部元氣話人樣衰係一種歧視，有人就質疑唔通醜男醜女，同美男美女之間嘅關係都係扭曲嘅慾望？亦有網民表示日本職業AV男優大約得70幾人，已經比瀕臨絕種嘅孟加拉老虎仲要少，言詞請對AV男優友善一啲。有網民更搬經典童話故事《美女與野獸》出嚟，稱鍾意睇呢個童話嘅人，唔通都係「性暴力」嘅幫兇？不過話時話，有人認為AV女優同樣衰男優啪啪啪，係一朵鮮花插在牛糞上，亦有人認為AV女優都係演員，理論上係唔可能指定邊個做床上對手，又有人覺得AV男優都係人，佢想拍AV又有AV片廠聘請，咁仲有乜嘢好講。唔知大家又點睇呢？

野生捕獲AV女優

想喺街上野生捕獲明星，話難唔難，話易又唔易，而情況換轉喺日本嘅話，想野生捕獲AV女優又容唔容易呢？早前東京迪士尼樂園慶祝開幕35周年，故此慶典當日吸引唔少日本電視台去採訪，當然唔少得訪問入場人士，而喺多位被訪者中，卻有一位引起網民熱烈討論，事關唔少人都覺得呢位受訪者，好似近年人氣高企嘅巨乳AV女優羽咲美晴，究竟係咪人有相似呢？

原來喺受訪片段出街之前，其實羽咲美晴早喺Twitter上分享喺迪士尼樂園遊玩嘅照片，當佢得悉受訪片段出街後，亦將呢段片段分享上網，並留言指當日因為太過突然未有準備關係，所以受訪時只識得喺度笑。不過有網民就懷疑，會唔會係因為記者認得佢，先至搵佢做訪問？其實網民有咁嘅懷疑唔出奇，事關喺1992年3月3日於廣島出生嘅羽咲美晴，擁有34F嘅激凸上圍，加上可愛嘅樣貌，深得粉絲歡迎。2016年4月羽咲美晴以AV片廠Muteki專屬女優身份出道，作品成績銷量理想，2016年6月轉會到另一片廠S1後人氣更高，喺上年4月舉辦嘅「DMM成人大獎」中更獲得優秀新人女優獎，絕對係有身材又有實力，既然係咁，多人識又有幾奇呢？

撰文：魂