不論大家用手機定電腦上鹹網，唔知有冇將經常睇開嘅鹹網網址記錄喺瀏覽器書籤嘅習慣呢？如果有嘅話，就要小心喇！事關你咁做，隨時會錯失一段姻緣。有位女網民早前諮詢普羅網民感情問題，佢話：「早排成班同事上咗一位男同事嘅屋企燒嘢食，我知佢一直對我有好感，其實我都一樣，只係未了解佢太深，未敢坦白。趁嗰日去到佢屋企，以借電腦為藉口，趁機入佢睡房查吓佢部電腦有冇收埋啲秘密嘢，點知一打開個Browser，發現佢一個名為「工作資料」嘅書籤內，竟然有幾十個鹹濕網址，當中乜嘢主題都有，我嗰刻呆晒！佢睇咁多鹹網，係咪心理變態呢？」依家睇吓網民點回應。
食多碗麵：其實呢，男人鍾意睇鹹網冇乜嘢啫，好過佢上埋啲色情架步資訊網吖，咁擺明佢平時有嫖妓嘅習慣。我老公最鍾意上鹹網，仲改埋個書籤名做「汽車雜誌」，以為我唔知囉！
薑汁奶：幾十個鹹網網址，包括邊啲題材先？如果係啲乜嘢戀物癖嘅話，梗係有問題啦！呢種男人咁變態，真係咪搵佢做男友呀！要搵，就搵我呢種鍾意打機嘅最好。
甲2丙4：喂！問題嘅重點係你做乜偷睇人哋部電腦先？我就最憎呢種行為，若然我條女咁做，我實剷佢走！你有冇問佢做乜睇咁多鹹網先？家陣拎上嚟講，呢啲咪未審先判囉。
Momment：我真係唔覺得睇鹹網有乜問題喎，我唔單止鹹網嘅書籤多，鹹片同鹹碟都有唔少，又唔見我變態？其實你係咪未拍過拖，定係根本唔了解男人呀？
撰文：魂