講起可愛嘅名字，大家好快就可以舉出幾個，只係講到可愛嘅日本姓氏，大家又諗到邊幾個呢？日本有網民睇完關於可愛姓氏嘅調查後，竟然將班同姓AV女優對號入座。不過講到吸睛，又點及得上記錄巨乳女優神谷惠里奈日常生活嘅VR影片，同埋一班俄妹着住比堅尼滑雪呢！
大家副VR眼鏡收埋咗喺邊呢？係咪好耐都冇用過，同埋唔知有乜用呢？家陣終於有用喇！事關相信唔少男士都想知道巨乳女神一日嘅生活係點，如果有興趣嘅話，就要睇吓擁有G奶身材嘅日本人氣女優兼YouTuber神谷惠里奈，最近同hokyobookmark合作拍攝嘅VR影片喇！呢套名為《G罩杯神谷惠里奈360度密着攝影》嘅VR影片，記錄咗巨乳KOL神谷惠里奈一日嘅生活，從早上8點喺惠里奈嘅香閨開始拍攝，以主觀角度影佢點樣揀內衣同衣服，然後出發到外景進行拍攝工作，最後返回香閨便全片完畢。驟眼睇落去，呢條片好似只係會引起一啲麻甩佬對惠里奈或者對女優日常生活嘅興趣，但係有日本網民卻發現呢條片其實暗藏一個賣點！原來將VR攝影機戴喺頭上拍攝嘅惠里奈，拍攝當日佢只穿着低胸衫，故此只要將條片嘅角度稍為推落啲，就可以清楚睇到條G奶深溝，相當吸睛！此外，唔少日本網民都話睇完呢段VR影片後，其實唔知惠里奈去過邊度進行拍攝工作，皆因全個畫面都係定格喺心口度囉！
正所謂「唔怕生壞命，最怕改壞名」，可見名字嘅影響幾咁大。但係名可以改，姓氏又點改呢？日本網站「goo」早前公布咗一個關於日本姓氏嘅調查，睇吓喺受訪男女心目中，邊啲姓氏令人一聽到就會覺得對方係個可愛嘅女仔。先講吓第4位至第10位嘅可愛姓氏排名，順次序分別係如月、七瀨、初音、葵、早乙女、葉月、雫。至於第1至第3位分別係白雪、七海同有栖。睇到呢啲姓氏，唔知大家想到邊位日本女性呢？相信大部分人都會想起日本AV女優，唔好責怪自己心邪，事實上有唔少日本網民睇到呢個結果後，腦海中浮現出嘅女性都係AV女優，好似有栖，有人諗起喺2012年出道，一開波就拍中出片嘅有栖咲櫻。至於七海，可以聯想到嘅AV女優更加多，當中最多網民談及嘅就係喺1989年3月7日於日本長野縣出生嘅七海奈奈，佢喺2007年10月出道，憑住童顏美乳嘅外形迷盡AV迷。講到第1位嘅白雪，唔知大家諗唔諗到係邊個呢？佢就係喺上年4月出道嘅白雪心心奈，呢位可愛系AV女優，個樣真係好得人鍾意，加上玲瓏浮凸嘅身材，唔怪之得咁多日本網民第一時間諗起佢啦！
喺冰天雪地嘅日子裏，大家會做啲乜？梗係留喺屋企對住暖笠笠嘅火爐瞓覺啦！不過早前俄羅斯索契就舉辦名為「比堅尼滑雪」活動，成班比堅尼索女唔怕凍喺雪地上滑雪，場面非常火辣。呢個活動已經舉行到第5屆，喺2014年開始舉辦，目的係為咗迎接冬奧運動會，但估唔到運動會結束後，活動仍然照樣舉行，而且吸引愈嚟愈多人參與，今屆更係有超過1,800名男女參加，比去年多咗400人，更刷新咗最多人着比堅尼滑雪嘅健力士世界紀錄，大會預計明年舉辦活動時，人數應該會再次刷新紀錄添！雖然喺咁凍嘅環境着住套比堅尼玩滑雪好難頂，但係睇見成班參加者似乎並無受到寒冷嘅影響，不知玩得幾咁開心又興奮。可能有人會問女參加者就話着比堅尼啫，咁男士又着乜嘢上陣呢？雖然活動叫「比堅尼滑雪」，但係並非所有女性參加者都會着比堅尼，有啲會着一件頭泳衣，至於男士仲簡單，着條短褲就得。而除咗滑雪外，大會更設有一個大型泡泡池，等男女可以喺池中狂歡，名副其實玩得夠瘋狂，絕對襯得起戰鬥民族呢個稱呼。
撰文：魂