今田美櫻第一可愛少女

水嫩雪白

雖然小弟相當鍾意巨乳日本妹，但係對生得嫩口又可愛嘅女仔一樣咁留意，好似活躍度愈來愈高嘅日本藝能界美少女橋本環奈就係其中之一喇！阿妹佢真係五官標致得令人震驚，難怪被封為「千年一遇之可愛少女」。不過，男人就係咁衰，得一想二，淨係得可愛面孔又點能夠滿足到視覺需要呢？如果大家都一樣係咁諗，今田美櫻就啱晒各位嘅口味喇！

今田美櫻今年21歲，正值青春嫩口又最有陽光感嘅時期，無可否認，美櫻可愛度爆燈，一個嘴角含春嘅微笑樣足以令男人暈得一陣陣，迷人嘅魅力可以話不下於橋本環奈。論身材，美櫻比起環奈更勝一籌，唔單止生得高挑，而且豐滿感更強，單係一對水嫩、雪白又彈力十足嘅E奶已經令環奈俯首稱臣喇！雖然美櫻喺藝能界發展暫時未能夠同橋本環奈相提並論，但係演出機會愈嚟愈多，相信好快可以上位。

海報吸睛

出生於福岡嘅今田美櫻，16歲時被藝能事務所發掘成為模特兒，憑住精靈俏麗嘅形象大受歡迎，及後更成為宣傳福岡旅遊嘅形象女神「Sagemon Girls」其中一員，由於旅遊宣傳片被上載到YouTube，令曝光率及人氣上升，之後美櫻去到東京拍廣告，被封為「福岡第一可愛少女」。

不過，令美櫻嘅演藝事業有突破性發展嘅契機卻發生喺家鄉福岡，當時藝能界事務所Bigface總裁喺福岡一個車站等車嘅時候見到美櫻嘅海報，一瞬間就被其可愛面孔吸引住，於是將美櫻簽歸旗下，從此美櫻便進軍影視界，上年佢參演新進導演中村駿嘅電影《長壽花》，而呢部電影喺下北澤電影祭奪得觀眾獎以及日本電影專業頻道獎。除咗拍電影，美櫻亦拍水着寫真，將嬌美又豐滿嘅胴體展現畀大家欣賞，結果備受注目，瞬間榮登多本雜誌嘅封面，人氣又再進一步上升，睇嚟美櫻有機會同橋本環奈鬥一番呀！

今田美櫻 Profile

年齡：21歲

身高：5呎2吋

三圍：34E-23-33

個人網站

簡介：今田美櫻有一個官方網站，會將其工作動向一一透露，想知道更多美櫻嘅最新消息，就要留意喇！

網址：http://bigface.biz/mioimada/

撰文：賢