每次提到美少女插畫或漫畫，唔少人總以為日本嘅畫師最精於此道。當然，日本有唔少畫師擅長繪畫美少女兼且有名氣，只係講到畫得精彩，卻唔一定係日本畫師嘅專利。嚟自韓國嘅女畫師Anmi筆下嘅美少女不但畫風清新，更被日本插畫界稱讚充滿透明感，色彩同光感嘅運用更係精彩，而呢個模型正係嚟自Anmi嘅插畫集《Avian Romance》內一個名為海鷗嘅美少女。
據模型嘅原型師Yuzupon稱，為咗呈現出透明感以及迷惘神情，花咗唔少時間嚟設計，而事實上佢嘅苦心並無白費，皆因模型嘅還原度相當高，尤其係佢凝視海鷗卻又滿懷心事嘅神情，令有相當有感覺。唔想講得咁深情，模型嘅焦點有兩個，其中一個梗係落係一對巨乳上，左手輕托嘅動作，令睇頭十足嘅巨乳變得更加誘人，尤其係一條深溝，睇到人流晒口水，加上細碼泳褲，試問又點可能唔睇到人心跳加速呢？此外，模型加入可以剝衫嘅玩法，玩家可以親手除咗佢個Bra，一對巨乳即刻彈出，原作本嚟賣性感，模型卻賣大包，實在吸引！
全高：約230mm
售價：￥16,200（約HK$1,199）
發售日期：2018年9月
撰文：魂