淫娃慶祝會

一部電影獲得理想票房及獎項，電影公司都會隆重其事舉辦慶祝大會，同幕前幕後工作人員一齊狂歡一番，至於日本AV界每年都有唔少女優喺頒獎典禮獲得獎項，但係一般都唔會大事慶祝，除咗近期人氣火旺嘅小淫娃榮川乃亞喇！榮川乃亞年紀輕輕，身材細細粒，出道以來一直以極度活潑嘅個性以及飢渴進取嘅床上態度，將小惡魔風格完全演繹畀AV迷欣賞，結果好快就打響名堂，更加喺剛過去嘅一屆Sky PerfecTV成人放送大賞中，成功奪得新人女優獎。為慶祝得獎，榮川乃亞早前舉辦慶祝勝利會，由於阿妹喺圈中人緣極佳，所以出席慶祝會嘅嘉賓有唔少，當中包括被乃亞當係「女朋友」嘅最強貧乳妹安部未華子、與乃亞已經建立起「親子關係」嘅椎名空、被乃亞視為偶像嘅大槻響，至於大會司儀則由巨乳肉女霧島櫻擔任。大會開始，乃亞就流住淚咁表示知道自己獲得提名之後，心情相當緊張，同時焦慮不安，但係得到一眾粉絲嘅鼓勵同支持，令佢自信心大增，咬緊牙關繼續努力演出以及四出拉票，最後成功獲得獎項，實在令佢高興萬分。