家陣嘅寫真大部分都係造作、P圖、炒作兼誇張失實，完全違背寫真原意，唔支持大可以唔睇，但唔睇仲有乜嘢好揀呢？梗係有啦，呢本寫真集肯定係天然到盡，真心到你驚，書名叫《Sleeping Beauty : Sleeping Girls Photobook》，一本囡囡由頭瞓到尾嘅寫真集，當中冇刻意賣弄色情，冇搔首弄姿挑逗你，更加冇靚人靚景，只有一張床同一個瞓着覺冇反應嘅裸女，而攝影師就將最自然一刻拍攝落嚟，然後統統收錄喺呢本寫真集當中，你話男人錢幾易賺，而囡囡份工幾好做呢？
講番本寫真集，如果閣下鍾意幻想，呢本睡美人寫真集堅係冇得輸，雖然話成人限定，即係有裸露成分，但出版商無保證話堅睇到囡囡全裸，就算影到都冇話高清及大特寫畀你睇，睇到乜、幻想到啲咩閣下自理。至於你問囡囡堅瞓定詐瞓？偷拍定明拍？喂！睇寫真志在享受，唔好問咁多啦！
書名：《Sleeping Beauty : Sleeping Girls Photobook》
售價：約HK$21（電子版）
撰文：祖