做人毋須要睇偉人學發憤，其實睇脫星就夠，而且更實在、更貼地，更重要係可以令你好High添！前四仔脫星Christy Mack雖然唔及今期大爆同「老特」性醜聞嘅Stormy Daniels咁紅，但係佢當年被MMA男友打到差啲走入鬼門關，即使唔係四仔迷都一定聽過佢大名。阿妹近年全力休養，間中出席夜場行騷，不過當事人已表明唔會重返幕前肉搏。講就易，脫星都要開飯，冇咗專業技能咁食乜呢？Christy Mack冇扮可憐等人救濟，除咗喺社交網全力備戰，執番靚副偈之後努力學跳艷舞，而近日全球擁有數百個高檔娛樂場嘅Deja Vu集團宣布Christy Mack正式成為最新Deja Vu Showgirls。據AVN報道，今次簽訂嘅合約，屬Deja Vu夜場前所未有嘅7位數交易，更打破俱樂部行業中有史以來規模最大嘅單筆交易，好架勢呀！而Christy Mack會安排到歐美夜場跳舞，亦兼任品牌大使推廣夜場，聽聞5月正式表演，想知今日阿妹有幾正，就要去捧場喇！