結識異性係人類嘅本能，而對於男人嚟講，溝女嘅目的係希望可以發展親密關係。不過早前有位男網民卻表示，新相識嘅女友起初都樂於同佢啪啪啪，點知其後卻經常拒絕，究竟發生乜嘢問題呢？話說呢位男網民識咗個女友，拍拖一個禮拜已經上床，之後每日都會搞嘢，點知過咗一個月後，女友經常拒絕佢嘅要求，而理由就係唔想兩人嘅關係只有性愛。男網民覺得奇怪，起初都係女友提議要曳曳，仲話若然唔同佢啪啪啪即係唔愛佢，家陣卻搞成咁，叫佢唔知點算好。
雙色孖辮蝶：你女友有咁嘅諗法一啲都唔奇，好明顯你同女友喺拍拖期間，只係掛住搞嘢，跟住佢發覺唔對路，先至會同你咁講囉！男人其實知唔知女人最重要係安全感，當初同你曳曳可能係想快啲同你確立關係，點知後嚟發現你剩係記得嗰句「唔啪唔愛佢」，次次見面都話要啪啪啪，個女仔唔驚咗你就奇。
飛彈炎爆：女友嘅心理就係咁奇怪o架啦，一時一樣係佢哋嘅專利。不過作為男人，又唔好好似禽獸咁淨係將焦點放喺床上，試諗吓，若然你真係想發展成長遠嘅關係，十幾二十年之後，你係咪仲有咁多體能可以啪啪啪先？相處，真係唔係得個搞字o架！
三式貓：我撐你呀！撩上床嘅係佢，唔想搞嘢嘅又係佢，咁佢玩晒啦！佢鍾意時你又要順佢意，唔鍾意時又要跟住做，佢當你係屋企隻汪汪呀！其實呢種咁自我中心嘅女人，要唔要都罷，不如搵個夾得嚟嘅做女友仲好啦！
變形大頭針：其實用「新鮮感」三個字就可以講晒，你女友只係比你早啲厭啫！講真，日日咁啪啪啪係人都悶。方法有兩個，一係諗多啲嘢玩，等大家唔使一行埋就只係掛住搞嘢，二係玩多啲床上花式，令啪啪啪多啲樂趣。
撰文：魂