香港人熱愛旅行，除咗日本同韓國之外，台灣亦係港人熱門嘅旅遊地點，原來唔單止港人鍾意遊覽台灣美景，日本寫真女郎都經常到台灣取景拍攝，好似最近美馬怜子推出嘅最新寫真集就去到台灣影靚相喇！32歲嘅美馬怜子的確係人如其名，美艷迷人，充滿攝人風韻，而身材更充滿曲線美，前凸後趷，胸前有一對雪白飽滿嘅E奶，令拍出嚟嘅水着寫真照張張都令人睇到熱血沸騰！
怜子除咗擔任天氣女郎成名，好多觀眾一邊睇住佢嘅激凸胸膛一邊留意天報報告之外，怜子對於日本競馬賽事亦素有研究，更加能夠活用天氣嘅知識配合馬匹狀態嚟作出賽事預測，所以深受日本馬迷愛戴。雖然本地馬迷冇必要留意怜子嘅賽馬資訊，但係佢隔咗3年至推出嘅個人寫真集《我想我愛你》相信大家一定有興趣。話時話，點解寫真集書名會用中文呢？咪因為今次怜子去到台灣取景拍攝寫真囉！怜子除咗會換上一身清涼又性感嘅裝扮去到台灣燈光璀璨嘅夜市遊玩一番，以放鬆嘅心情及迷人嘅笑容提供治愈效果，更加會去到郊野自然美景大玩濕身透視誘惑大放艷光。不過，據聞怜子因為濕咗身又唔適應台灣乍暖還寒嘅天氣而病倒，搞到要入醫院，好彩家陣已經康復晒，亦因為咁，大家都要好好珍惜同欣賞怜子呢本寫真集喇！
書名：《我想我愛你》
售價：約HK$279
撰文：賢