古語有云「獨樂樂不如眾樂樂」，只係有啲嘢真係私人歎先至過癮，好似睇鹹片咁，試問有邊個人會約埋成班人一齊睇呢？提到私人獨享，今次就同大家講吓關於Private及私人嘅情色俚語，仲會介紹相關嘅AV作品，唔知大家想唔想私人獨享呢？
網絡用語中有個叫「私聊」嘅名詞，意思即係私底下以一對一嘅方式進行網絡上溝通，而喺美國嘅網絡用語中，私聊嘅英文係「PVT」，不過大家要留意，如果喺成人社交網站中見到「PVT」呢個詞語時，唔單止代表私聊咁簡單，而且係暗示想同你進行一對一嘅虛擬性愛咁解。當然，點樣將「PVT」發展成真實嘅一對一啪啪啪，就要睇吓對方嘅意願喇！
話說回來，喺美國嘅成人社交網站中，偶爾會見到「Private Property」呢個詞語，大家唔好覺得奇怪，點解會喺鹹網中見到呢個中文譯做「私人財產」嘅詞語呢？原來佢嘅意思係指性器官，大家千祈唔好誤以為對方想查家宅呀！
「Private Show」中文直譯為私人表演，有乜嘢表演要私人欣賞咁秘密呢？一般嚟講係私人宴會中嘅歌手表演之類，而喺情色俚語中嘅「Private Show」卻係指脫衣舞表演或暗指啪啪啪。例句：She likes giving guys a private show in her room.（佢鍾意喺自己間房內為男士進行私人表演。）當中嘅「Private Show」正係暗指啪啪啪。
講開脫衣舞，如果要數美國著名嘅脫衣舞女王，相信非1972年9月28日於美國密西根州出生嘅Dita Von Teese莫屬。真名叫Heather Renée Sweet嘅佢，自細學習古典芭蕾舞，18歲喺一間脫衣舞夜總會工作，1991年時佢為雜誌拍攝裸照，憑住古典美人嘅魅力而獲得廣泛注意，1993年更以「香檳浴」脫衣舞一舉成名。自此之後，佢參與演出話劇、歌劇及電視劇等，亦係一位設計師，可謂多才多藝。
喺美國四仔界中有唔少經典嘅愉虐主題作品，因此想喺芸芸之中打響名堂並唔容易，喺2009年5月由美國四仔片廠Private推出，作為《Private Fetish》系列頭炮作嘅作品《Private Fetish 1 - House Of Sex & Domination》正係經典之作。由專門製作愉虐四仔嘅導演Dave Naz親自監製，搵嚟紅極一時嘅脫星Sasha Grey同Audrey Hollander擔綱演出，同時請嚟Claire Adams、Flower Tucci、Kissy Kapri、Michelle Avanti等10位男女脫星上陣。故事發生喺位於洛杉磯嘅一座大宅內，而大宅嘅兩位愉虐狂男主人邀請咗Sasha Grey、Audrey Hollander等幾位索女到臨，透過各種極為重口味嘅愉虐玩意，引發囡囡嘅潛在癖好，同時希望能夠搵到邊位索女先至係佢哋心目中嘅愉虐女王。雖然故事性一般，但係喺導演Dave Naz嘅精心攝製下，不但將愉虐情節糅合情慾同藝術元素，同時帶畀四仔迷極盡嘅官能刺激，因此呢套作品喺2009年AVN頒獎禮中獲得最佳愉虐作品嘅大獎。
每個人都有私人嘅秘密，喺1993年3月15日喺日本東京出生嘅八橋彩子，最近就有個相當私人嘅秘密曝光，究竟係乜呢？話說佢早前喺街上被日本綜藝節目《可以跟着回家嗎？》搭訕，問可唔可以讓攝製隊到佢屋企拍攝，雖然八橋話好，但卻事先聲明佢屋企相當亂，而事實卻並非亂咁簡單，直頭可以用垃圾崗嚟形容！事關唔單止門口啲鞋亂咁擺，客廳堆滿各類雜物，連坐嘅地方都冇，廚房堆滿未洗嘅碗筷，大量飲完冇掉嘅牛奶盒，而廁所更係堆滿晒未洗嘅胸圍底褲，呢段採訪出街後，即時引嚟極大哄動！呢位擁有34G巨乳嘅AV女優，處女作係《活動中相識的自拍女郎 彩子小姐 Debut》，憑住出眾身材及萌味外形，甫出道獲得唔少粉絲支持，加上佢一直以嚟除咗演出AV外，同時積極舉辦性感攝影會，人氣一直有增冇減。而呢次訪問出街後，粉絲嘅反應各有不同，有人話八橋彩子係現今少女真實嘅表現，亦有人覺得佢事先張揚屋企好亂，係相當坦誠嘅行為，性格相當可取。雖然網民反應不一，但可以肯定嘅係八橋彩子嚟緊舉行嘅攝影會必定吸引更加多人參加囉！
撰文：魂