AV界奧斯卡頒獎禮天使萌封后

盛裝出席

今年日本AV界盛事特別多，嚟緊會有相隔多年再次舉辦嘅「SOD大獎」，5月則會有「DMM成人大獎」，到年尾又會有「AV OPEN」，而「Sky PerfecTV成人放送大賞2018」就打響頭炮，喺剛過去嘅3月1日晚上舉行。作為日本AV界傳統三大頒獎典禮之一嘅「Sky PerfecTV成人放送大賞」一如以往請來大班女優參與競逐各個獎項，當晚入圍嘅女優們都盛裝出席。除咗佢哋之外，作為上屆最優秀女優獎得主嘅涉谷系女王Aika，以及上屆最優秀新人獎得主桃乃木香奈一樣扮到靚一靚嚟搶鏡，令頒獎禮生色不少！呢兩位上屆成功問鼎兩個大獎嘅女優出現，當然係為咗親手頒獎畀接班人啦！咁邊位女優咁叻叻，能夠取得廣大淫民嘅支持而得獎呢？佢哋分別係天使萌及榮川乃亞喇！

最優秀女優獎　天使萌

年齡：23歲　

所屬AV廠：S1

簡介： 天使萌今次奪得最優秀女優獎當然夠晒威威啦！但係更威水嘅係天使萌喺2015年嘅「Sky PerfecTV成人放送大賞」已經拎過最優秀新人獎，係繼AV廠SOD頭號專屬女優紗倉真菜之後，第二位拎完新人獎後再拎女優獎嘅女優！事實上，天使萌喺演出方面的確出色，各種床上戲都表現投入，動作細膩悅目，即使係同為入圍女優獎嘅市川雅美亦唔夠佢揮，得獎絕對係實至名歸。

最優秀新人女優獎　榮川乃亞

年齡：20歲　

所屬AV廠：自由身

簡介：榮川乃亞可以話係近年小惡魔系女優當中嘅表表者，佢雖然生得嬌俏可愛又帶天真氣息，但係喺床上嘅表現如狼似虎，不知幾多雄赳赳嘅男優畀乃亞搞到投降！亦因為乃亞表現出色又充滿活力，大家欣賞佢嘅演出時往往會受其感染而精神一振！深得AV迷歡迎，乃亞當然被AV廠視為會生金蛋嘅母雞，密密搵乃亞拍片啦！所以大家不難發覺上年乃亞嘅產量相當多，相對其他入圍嘅女優，單係計產量就已經贏足九條街！

最多出演女優獎　波多野結衣

年齡：29歲　

所屬AV廠：自由身

簡介：作為紅遍亞洲嘅AV女優，波多野結衣除咗美艷動人，更加精力過人，除咗不停四出登台，最近仲有參演港產片《棟篤特工》，真係人如其名，AV作品產量極多！單係計個人主演嘅作品，上年就有超過60部咁多，如果計埋合演作品以及精選合輯的話，上年嘅總產量達到逾140部咁多！以一年365日計算，結衣約每兩日就推出一部AV，認真厲害！所以今屆「Sky PerfecTV成人放送大賞」特別頒發呢個「最多出演女優獎」畀結衣，以表揚佢上年為大家付出嘅努力。

最優秀熟女獎　花咲一杏

年齡：23歲　

所屬AV廠：自由身

簡介：今屆最優秀熟女獎真係爆大冷！因為得獎嘅花咲一杏為入圍女優當中年紀最細，今年只不過係23歲！咁都可以叫做熟女？其實花咲一杏個樣的確生得幾有成熟女人味，出道以來拍攝熟女系作品為主，所以入圍亦係無可厚非！之不過，小弟認為入圍嘅其他女優如Kaori、真木今日子無論係氣質、身材、表現以及名氣都勝過花咲一杏，今次一杏爆冷勝出真係令人感到莫名其妙！不過無論點都好，當然要恭喜花咲一杏啦！

其他獎項得主

1. 作品獎：《兄嫁は中出し着エロアイドル 蓮實Kurea》

2. Sky PerfecTV成人放送大獎：倉多真央

3. 周刊大衆獎：天使萌

4. FLASH獎：市川雅美

5. 東京Sports獎：花咲一杏

撰文：賢