日本風俗店為求吸客，佢哋官網上風俗孃嘅相片同個人資料，絕大部分都係假嘅，不過有風俗達人表示當中嘅資料又未必流得晒，只要識睇同樣可以搵到關鍵詞。講到關鍵詞，最大型成人網站Pornhub公布去年最熱門搜尋字，究竟網民最想睇乜嘢類型嘅鹹片呢？
大部分日本風俗店都會設有官網，既方便玩家按圖搵女，又可以透過當中嘅資料，睇吓邊位風俗孃啱心水。早前日本綜藝電視節目《田森俱樂部》搵嚟化名「素人童貞25歲」嘅資深風俗玩家，從各家風俗店官網抽出部分風俗孃嘅資料進行分析，等各方好色男知道點樣從呢啲資料中，搵出真正有用嘅資料。佢指出風俗孃嘅照片、年齡、身高、三圍同職業等資料全部都可以略過，因為大部分都係流料，反而店家關於風俗孃嘅介紹文或評語可以參詳一下，例如當中不斷提到「客人」二字嘅話，表示呢位風俗孃嘅質素唔錯，相反經常出現「清純」一詞時，則暗示風俗孃嘅質素一般。另外，用上「等級」同「本店」呢啲字眼，則代表該風俗孃質素高，若然加埋「模特兒」、「美少女」等稱呼便更具說服力。如果評語中用上「擅長某啲技巧」嘅話，則可以推敲出該風俗孃其他技巧並唔出色，而用上「巨乳」嚟形容風俗孃身材便要小心，因為可能係指該風俗孃身材偏肥。
隨住網絡發展，唔少人會選擇到成人影片網站釋放自己嘅邪念，至於喺過去一年中，邊類題材嘅鹹片最受歡迎呢？色情網站「Pornhub」早前公布上年網站嘅調查數據，更總結去年全年最熱門嘅鹹片搜尋關鍵字，而結果認真出人意表。Pornhub表示上年錄得超過285億瀏覽次數，平均每日有8,100萬人瀏覽佢哋嘅網站，而影片上傳數目更高達59.5萬小時，即使睇足24小時都要用68年先至睇得晒！至於熱門嘅搜尋關鍵字，第1位係「Porn for Women」，即係專門提供畀女性睇嘅鹹片咁解。隨住女性性意識提升及性觀念改變，去年女性專享鹹片量相對前年增幅達14倍，而有四仔片廠更預計今年會持續增加。第2位係「Rick and Morty」，可能大家唔知道佢係乜，其實佢係美國嘅人氣科幻喜劇動畫，而佢之所以會變成鹹片嘅原因，可能係同佢人氣高有關。第3位則更加離譜，事關佢就係去年大熱玩具「指尖陀螺」，點解呢個陀螺會有咁高搜尋量呢？答案就係有唔少四仔片將佢當成情趣玩具之故。
男人要冧掂心儀女士，真係乜嘢技能都要識，例如換燈膽、維修電腦、整車、通渠等，不過英國卻有調查發現，從女性嘅角度嚟睇，最冧嘅技能並非上述咁多種，而係一種男士未必估得到嘅技能。由語言學習應用程式Babbel同約會網站EliteSingles針對6,000名英國女性用家嘅調查發現，女士們注重嘅並非男士識得幾多技能，或者係身上有幾多舊肌肉，而係語言能力！有多達百分之九十六嘅受訪女士認為識得運用語言技巧嘅男士倍添魅力，當中有百分之七十六嘅女性更認為，若然男士識得兩種或以上嘅語言會更加有吸引力。除咗英語之外，最好就係識得意大利語。點解識得外國語言會更吸引呢？有百分之四十嘅受訪英女表示，外國語言好有趣並且可以增加話題，另有百分之二十嘅女士認為識得多國語言嘅男士，可以顯示出佢哋更有智慧。話時話，廣東話對英女嚟講又有冇吸引力呢？
撰文：魂