農作物雜交之下通常都會將上一代嘅優點留畀下一代，而人類嘅混血兒好多亦會遺傳到不同人種嘅優點，好似吉崎綾呢位可愛又好波嘅美少女就係最佳例子啦！21歲嘅吉崎綾父親係日本人，而母親係菲律賓及西班牙混血兒，吉崎綾嘅身材生得好似日本女仔咁嬌小玲瓏，而上圍就好似歐洲人咁脹卜卜，而且肌膚雪白幼嫩，令人睇到流晒口水！吉崎綾喺2012年出道做模特兒已經備受注目，前年初次作幕前泳裝演出，更被稱之為「福岡之奇蹟」，其惹火胴體令廣大市民眼前一亮！嚟到2018年，吉崎綾決定打響頭炮，推出寫真集《あやちゃん》，當中綾妹除咗會以性感泳裝上陣大騷嬌小而火辣嘅身段，仲會罕有地換上內衣演出，將更誘人更具挑逗性嘅一面展現畀大家欣賞。吉崎綾如此瞓身演出，難怪出版商都話呢本寫真集絕對有可能成為2018年度最具話題性嘅寫真集喇！