有人話愛情好似捉棋咁，係一場鬥智鬥力嘅遊戲，只係呢種講法卻漠視咗愛情博弈之中，人性同靈魂上嘅交纏。被喻為美國近年最具實力嘅女情慾小說家Courtney Milan將愛情比喻做捉棋，同時以充滿情慾同矛盾嘅元素，著作出呢本作品《棋逢情手》。講述女主角海明娜‧博斯林係一位內向又怕醜嘅宅女，其實佢真正嘅身份相當神秘，曾經扮演過唔同嘅角色，而經過繁華洗禮嘅佢，如今只希望隱姓埋名，過住簡樸安穩嘅生活。殊不知有日民兵隊長指控佢涉嫌煽動勞工組織工會，佢決定要搵出誣衊佢嘅幕後黑手。另一邊廂，羅柏布萊思德身為克雷蒙公爵，擁有權勢同財富，佢嚟到海明娜所在嘅萊斯特市，表面上係為咗投資，實情卻另有所圖，卻被海明娜識穿，表明要同佢開戰。兩人喺角力之中竟然萌起情慾，並發展出非一般關係，至於呢場情慾博弈中，邊個係最後大贏家呢？