提到日本樂壇人氣美少女組合，大家可能會諗起AKB48、SKE48又或者係早安少女組，而近年仲有一個組員人數龐大嘅組合人氣持續上升，就係乃木板46喇！當中有一位綺麗絕色美人非常受歡迎，就是白石麻衣。講起麻衣就威水，除咗係乃木板46嘅標誌性人物之外，喺上年年初推出嘅寫真集《パスポート》更勁賣超過25萬本，成為出版商講談社歷來最賣得嘅寫真集！見到麻衣咁威，作為師妹嘅松村沙友理都唔執輸，最近亦推出寫真集《意外っていうか、前から可愛いと思ってた》，更罕有地去到夏威夷瓦胡島取景拍攝，並以水着Look演出。雖然論身材沙友理未必夠師姐麻衣咁吸引，但係白滑鮮嫩嘅肌膚則冇得輸，佢亦學麻衣咁一邊拍攝寫真一邊飲飲食食，將食物同美色融為一體嚟誘惑觀眾，加上本身秀麗而不失嬌俏嘅面孔，相信大家一定收貨，有望可以同師姐白石麻衣一樣開拓出一條性感路線。