就嚟到聖誕，喺浪漫嘅節日裏，大家諗住點度過呢？如果情侶們嚟個聖誕啪啪啪，有性學家就話有3招可以試吓，絕對有參考價值o架！至於單身男女亦唔使怕悶，想度過一個開心聖誕節，不妨睇吓外國媒體搜羅嘅錯位相，挑戰一下自己嘅腦袋係咪成日載埋啲鹹濕思想啦！
錯覺嘅英文係「Illusion」，因為大腦將感受投射喺外在物體，加上經驗而導致錯誤分析，從而產生假設性嘅錯誤。就咁講可能好難明，睇過呢輯由外國媒體搜集番嚟嘅圖片，就會令大家更加明白喇！皆因十個有九個人第一眼睇落去時，都會誤以為係充滿色情嘅相片，之但係當大家睇真啲嘅話，就會發現相片根本一啲鹹味都冇，只係錯覺而已。當中最為經典同時亦係最多人睇錯嘅相片，莫過於一張女泳手喺池邊準備游背泳嘅動作，由於佢當時屈膝喺心口，而鏡頭則從佢頭頂方向拍攝關係，驟眼望落去以為佢胸前有一對激凸巨乳，查實只係佢嘅膝頭哥嚟咋。另一張同樣被網民以為係相當意淫嚟相片，驟眼望落去似女性嘅生殖器官，而且仲有少少毛髮添！不過當大家望真啲嘅話，卻會發現佢其實係女性嘅側面，重要部位係眼睛，至於啲毛髮之唔係眼睫毛囉！仲有好多令人產生錯覺嘅圖片，大家上網慢慢睇喇！記住你唔係唯一一個睇錯嘅人，同你嘅思想係咪鹹濕一啲關係都冇o架！
對一般男士嚟講，除絲襪嘅機會點都會比着嘅機會大，事關絲襪不但係女性專有嘅衣物，同時亦可以展現出女性嘅美感。不過坊間絲襪有咁多，對女士嚟講邊種絲襪先至係佢哋心目中最好嘅絲襪呢？就係彈性強同唔易穿窿嘅絲襪喇！為咗滿足女士們嘅要求，絲襪品牌嘅廣告落足心思，為求展現出絲襪嘅優點，更係別出心裁，女士們睇完廣告後深明絲襪嘅超卓彈力，而男士們睇見更係猛吞口水呀！話說有絲襪品牌為咗展現出絲襪非凡嘅彈力，當模特兒穿上絲襪後用力拉扯，將襪頭拉開，此時模特兒條底褲若隱若現，極盡視覺嘅享受。不過你有超彈性襪頭，那邊廂仲有更激嘅廣告，就係模特兒索性將整條絲襪拉到上心口，雙手更係用力向外推。如果覺得呢個廣告已經夠誇嘅話，仲有一個廣告冇得輸，模特兒將絲襪拉到上面，只露出一對眼睛，簡直係彈力嘅極致！不過呢啲廣告固然可充分展現絲襪彈力，只係對男士嚟講，焦點始終落喺模特兒嘅身上囉！
聖誕節最好嘅節目當然係約女浪漫一下，親密纏綿更係重頭戲，而據坊間非正式調查指，聖誕節期間時鐘酒店房例必爆棚！之不過，浪漫纏綿係咪一定獲得高潮呢？據美國印第安納大學（Indiana University）發表嘅「全國性健康與行為調查」（National Survey of Sexual Health and Behavior）嘅資料顯示，有百分之九十一男士可於性愛中獲得高潮，而當中有百分之八十五男士認為女伴同樣可獲得高潮，只係根據調查顯示，實情係只有百分之六十四嘅女士得到高潮。呢個誤差證明一件事，就係有女性為滿足男士心理需要而假扮高潮。
性學專家指唔想女伴假扮高潮，男士們可以嘗試使用以下3招：第1招係化繁為簡，有調查發現，喺女性心目中最常到達高潮就係活塞運動，乜嘢口作調情或黃金右手都唔係最重要；第2招係女伴話事，喺床上換乜嘢體位同玩乜嘢花式，一向都係由男方話事，但不妨讓女方做主導，順便嚟個側臥式體位咁就最完美；第3招係不忘前戲，雖然話大部分女士鍾愛活塞運動，但係前戲卻唔可以缺少，令女伴易入正題之餘，男士又可延長耐力，係咪好計先？
撰文：魂